​தேசிய குடும்ப சுகாதார கணக்கெடுப்பின் சமீபத்திய தரவுகளின்படி பிகார், மேற்கு வங்கம் மற்றும் திரிபுரா ஆகிய மாநிலங்களில் 40 சதவிகித பெண்கள் 18 வயது ஆவதற்கு முன்பே  திருமணமாகியிருப்பது தெரியவந்துள்ளது.

அசாம், பிகார், மணிப்பூர், மேகாலயா, சிக்கிம், திரிபுரா, ஆந்திரப் பிரதேசம், அந்தமான் மற்றும் நிகோபார் தீவுகள், குஜராத், ஹிமாச்சலப் பிரதேசம், ஜம்மு காஷ்மீர், லடாக், கர்நாடகம், கோவா, மகாராஷ்டிரம், தெலங்கானா, மேற்கு வங்கம், மிசோரம், கேரளம் உள்ளிட்ட 17 மாநிலங்கள் மற்றும் 5 யூனியன் பிரதேசங்களில் மட்டுமே இந்தக் கணக்கெடுப்பு முதற்கட்டமாக நடத்தப்பட்டுள்ளது. 2-ம் கட்டமாக மீதமுள்ள மாநிலங்களில் மேற்கொள்ளப்படும் கணக்கெடுப்பு அடுத்த ஆண்டு வெளியிடப்படவுள்ளது.

பெண்களின் திருமண வயது -18, ஆண்களின் திருமண வயது -21. இப்படி இருக்கையில் இந்த தரவுகள் இந்தியாவின் நிலையை வெளிப்படுத்துகிறது.