ஹிமாசலில் இன்று மீண்டும் மிதமான நிலநடுக்கம்

ஹிமாசலப் பிரதேசத்தின் சம்பா மாவட்டத்தில் இன்று காலை மீண்டும் மிதமான நிலநடுக்கம் ஏற்பட்டது. 

இது ரிக்டர் அளவில் 3.2ஆக பதிவானதாக தெரிவிக்கப்பட்டுள்ளது. ஹிமாசல பிரதேசம் மற்றும் ஜம்மு-காஷ்மீரின் எல்லைப் பகுதியில் உள்ள சம்பா மாவட்டத்தின் வடகிழக்கு பகுதியில் 5 கிலோமீட்டா் ஆழத்தில் இந்த நிலநடுக்கம் மையம்கொண்டிருந்தது.

எனினும் இந்த நிலநடுக்கத்தால் உயிர்சேதமோ, பொருள்சேதமோ ஏற்பட்டதாக தகவல் வெளியாகவில்லை. இமயமலையை ஒட்டியுள்ள பகுதிகளில் அடிக்கடி நிலநடுக்கம் ஏற்படுவது இயல்பான ஒன்றாகும். இந்தியாவில், பிரிவு 2, 3, 4, 5 என 4 பிரிவுகளாக நிலநடுக்கம் அபாயம் உள்ள பகுதிகள் வகைப்படுத்தப்பட்டுள்ளன.

ஹிமாசலப் பிரதேசத்தின் பெரும்பாலான பகுதிகள் நிலநடுக்கம் அதிகம் ஏற்படும் பகுதியில் அமைந்துள்ளன. முன்னதாக கடந்த புதன்கிழமையும் இதே பகுதியிலும் நேற்று குலு மாவட்டத்திலும் நிலநடுக்கம் ஏற்பட்டது குறிப்பிடத்க்கது.