புதுச்சேரியில் மேலும் மூவருக்கு கரோனா: பாதிப்பு 107 ஆனது

புதுச்சேரியில் சனிக்கிழமை மேலும் 3 பேருக்கு கரோனா வைரஸ் தொற்று பதிவாகியுள்ள நிலையில், அந்த மாநிலத்தில் மொத்த பாதிப்பு எண்ணிக்கை 107 ஆக உயர்ந்துள்ளது. 

சனிக்கிழமை நிலவரப்படி, போ் புதுச்சேரி கதிா்காமம் இந்திராகாந்தி மருத்துவக் கல்லூரி மருத்துவமனையில் கரோனா பாதிக்கப்பட்ட ஐந்து பேர் குணமடைந்து வெளியேற்றப்பட்டதாகச் சுகாதார மற்றும் குடும்ப நல அமைச்சகம் வெளியிட்டுள்ளது. மேலும், மருத்துவமனையில் 30 பேர் சிகிச்சை பெற்று வருகின்றனர். ஜிப்மர் மருத்துவமனையில் மூன்று பேர் அனுமதிக்கப்பட்டுள்ளனர்.

புதுச்சேரியைச் சேர்ந்த இரண்டு பேர் சென்னை மற்றும் சேலத்தில் உள்ள மருத்துவமனைகளில் சிகிச்சை பெற்று வருகின்றனர். மொத்தம் தற்போது 60 பேர் மருத்துவச் சிகிச்சையில் உள்ளனர் என்று அறிக்கையில் தெரிவிக்கப்பட்டுள்ளது.

சனிக்கிழமையன்று பரிசோதிக்கப்பட்ட 7,963 பேரில் 7,793 மாதிரிகளுக்கு கரோனா எதிர்மறையாக வந்துள்ளன. மேலும் சோதனை மாதிரிகளின் முடிவுக்காகக் காத்திருந்தன.

யூனியன் பிரதேசத்தில் மொத்தம் பாதிக்கப்பட்ட 107 பேரில் 60 பேர் சிகிச்சையிலும், 47 குணமடைந்து வெளியேற்றப்பட்டுள்ளனர். இதுவரை இந்த நோய்க்கு ஒருவர் பலியாகியுள்ளார் என்பது குறிப்பிடத்தக்கது.