கரோனா பரவல் தடுப்பு நடவடிக்கை காரணமாக நாடு முழுவதும் மெட்ரோ போக்குவரத்திற்குக் கட்டுப்பாடுகள் விதிக்கப்பட்டன. இந்த நிலையில் தளர்வுகள் அறிவிக்கப்பட்ட நிலையில் மெட்ரோ ரயில் சேவை இன்று முதல் இயங்க தொடங்கியுள்ளது. 

அந்தவகையில், ஹைதராபாத்தில் திங்கள்கிழமை காலை முதல் மீண்டும் மெட்ரோ ரயில் சேவைகள் தொடங்கியுள்ளது. முதல்கட்டமாக எல்.பி.நகர் முதல் மியாபூர் வரை - ரெட் லைனில் சேவைகள் தொடங்கப்பட்டுள்ளன. கிட்டத்தட்ட ஆறு மாதங்களுக்குப் பிறகு இன்று மெட்ரோ சேவைகள் மீண்டும் தொடங்கப்பட்டுள்ளது. 

மேலும், டெல்லி, பெங்களூரு, சென்னை மற்றும் கொச்சி உள்ளிட்ட பல நகரங்களிலும் மெட்ரோ சேவைகள் மீண்டும் தொடங்கப்பட்டுள்ளன.

கரோனா தடுப்பு நடவடிக்கைகளைத் தொடர்ந்து லக்னௌ மெட்ரோ சேவைகள் இன்று காலை 7 மணி முதல் மீண்டும் தொடங்கின. சென்னையில் விமான நிலையம் -  வாஷர்மன்பேட்டுக்கு இடையில் மீண்டும் சேவை தொடங்கியது என்பது குறிப்பிடத்தக்கது.