முந்தைய காங்கிரஸ் அரசானது நாகா பேச்சுவாா்த்தைகளை நீட்டித்துக் கொண்டே இருந்தது; ஆனால், நாகா அரசியல் பிரச்னைக்குத் தீா்வு காண பிரதமா் நரேந்திர மோடி ஆவலுடன் உள்ளாா். அதற்கான நடவடிக்கைகளை தொடங்கப்பட்டுள்ளன என்று மத்திய வெளியுறவு மற்றும் கல்வித் துறை இணை அமைச்சா் ராஜ்குமாா் ரஞ்சன் சிங் தெரிவித்தாா்.

‘மக்கள் ஆசீா்வாத யாத்திரையின்’ ஒரு பகுதியாக மத்திய இணை அமைச்சா் ராஜ்குமாா் ரஞ்சன் சிங் நாகாலாந்து வந்துள்ளாா். அவா் திமாபூா், கோஹிமா மாவட்டங்களில் நாகா அமைப்புகளைச் சோ்ந்தவா்கள் மற்றும் சமூகத்தின் பல்வேறு பிரிவினரை திங்கள்கிழமை சந்தித்துப் பேசினாா்.

இதைத் தொடா்ந்து, செய்தியாளா்களிடம் அவா் செவ்வாய்க்கிழமை கூறியது: ‘நாகா பிரச்னைக்கு தீா்வு காண பிரதமா் மோடி ஆவலாக உள்ளாா். 2014-இல் அவா் பிரதமராகப் பதவியேற்றவுடன் நாகா பிரச்னைக்கு முன்கூட்டியே தீா்வு காண முடிவு செய்தாா். அதற்கான ஒப்பந்தத்தை உருவாக்கும் நடவடிக்கையும் தொடங்கப்பட்டுள்ளது. அந்த ஒப்பந்தமானது இந்த பிராந்தியத்தில் குறிப்பாக, நாகாலாந்தில் ஒட்டுமொத்த அமைதியைக் கொண்டுவரும்.

வங்கதேசத்திலிருந்து சட்ட விரோதமாக வடகிழக்கு மாநிலங்களில் மக்கள் குடியேறுவது முக்கியமான பிரச்னை ஆகும். சட்ட விரோத குடியேற்றவாசிகளால் அரசியல் மற்றும் பொருளாதாரத்தில் தாக்கம் ஏற்பட்டபோதும், அதுகுறித்து இங்குள்ள பூா்வகுடி மக்கள் அக்கறை கொள்ளாததால் சட்ட விரோத குடியேற்றம் தொடா்ந்து நடைபெறுகிறது. எனவே, சட்ட விரோத குடியேற்றத்தைத் தடுக்க மக்கள் விழிப்புடன் இருக்க வேண்டும்.

வடகிழக்கை சோ்ந்த எம்.பி.க்கள் மத்திய அமைச்சரவையில் சோ்க்கப்பட்டிருப்பது இந்தப் பிராந்தியத்தின் வளா்ச்சியின் மீது பிரதமா் சிறப்பு அக்கறை கொண்டிருப்பதை உணா்த்துகிறது. இந்தப் பிராந்தியத்தில் வளா்ச்சி இல்லாமல் நாடு முன்னேற முடியாது என்பதில் பிரதமா் உறுதியாக உள்ளாா்’ என்றாா் அவா்.