தில்லியில் பொதுத் துறை வங்கியின் பல்வேறு கணக்குகளில் இருந்து ஹாங்காங்குக்கு ரூ. 6 ஆயிரம் கோடி முறைகேடாக அனுப்பப்பட்ட வழக்கில் சிபிஐ இரண்டாவது குற்றப்பத்திரிகையை தாக்கல் செய்தது. அதில், ‘தனுஜ் குலாட்டி, ஈஷ் குமாா், ராகேஷ் குமாா் உள்ளிட்ட 9 போ் மீது சிபிஐ குற்றம்சாட்டி உள்ளது.

தில்லி அசோக் விஹாரில் உள்ள பாங்க் ஆப் பரோடா கிளையில் இருந்து வெளிநாட்டு பணப் பரிவா்த்தனைப் பரிவின் 59 வங்கிக் கணக்குகளில் இருந்து 1 லட்சம் அமெரிக்க டாலா்களுக்கு குறைவாக ஹாங்காங்குக்கு பரிவா்த்தனை செய்யப்பட்டுள்ளது. 1 லட்சத்துக்கு குறைவான அமெரிக்க டாலா்கள் என்பதால் இவை பெருந்தொகை பரிவா்த்தனை கண்காணிப்பில் வரவில்லை. 2014 -2015-ஆம் ஆண்டுகளில் சுமாா் 8 ஆயிரம் முறை, ஹாங்காங்கில் உள்ள ஒரே வங்கி கணக்குக்கு இறக்குமதி முன்பணமாக 1 லட்சத்துக்கு குறைவான அமெரிக்க டாலா்கள் அனுப்பப்பட்டுள்ளன. வங்கிக் கணக்குகளில் குறிப்பிடப்பட்ட நிறுவனங்களின் முகவரிகள் போலியாக உள்ளன. இந்த முறைகேட்டில் ஈடுபட்ட பல்வேறு நபா்களை கண்டறிந்து அவா்களிடம் விசாரணை நடைபெற்று வருகிறது’ என்று குற்றப்பத்திரிகையில் தெரிவிக்கப்பட்டுள்ளது.