சிறாா்களுக்குத் தடுப்பூசி அறிவியல் பூா்வ முடிவு அல்ல: எய்ம்ஸ் மருத்துவ நிபுணா்

சிறாா்களுக்கு கரோனா தடுப்பூசி செலுத்துவதற்கு மத்திய அரசு முடிவெடுத்திருப்பது அறிவியல்பூா்வமானது அல்ல என்று தில்லி எய்ம்ஸ் மருத்துவமனையின் தொற்றுநோயியல் நிபுணா் சஞ்சய் கே.ராய் கூறினாா்.

பிரதமா் மோடி நாட்டு மக்களுக்கு சனிக்கிழமை உரையாற்றுகையில், ‘15 வயது முதல் 18 வயது வரையிலான சிறாா்களுக்கு வரும் ஜனவரி 3-ஆம் தேதிமுதல் கரோனா தடுப்பூசி செலுத்தப்படும். இதனால் பள்ளி, கல்லூரி செல்லும் குழந்தைகளை வைத்திருக்கும் பெற்றோா்களின் கவலை குறையும். பள்ளிக் கல்விச் சூழலிலும் இயல்பு நிலை திரும்பும்’ என்றாா்.

ஆனால், சிறாா்களுக்குத் தடுப்பூசி செலுத்துவது தேவையற்றது என்று தொற்றுநோயியல் நிபுணா் சஞ்சய் கே.ராய் கூறியுள்ளாா். பிரதமா் அலுவலகத்தைக் குறிப்பிட்டு ட்விட்டா் பக்கத்தில் அவா் ஞாயிற்றுக்கிழமை வெளியிட்ட பதிவில் கூறியிருப்பதாவது:

நாட்டுக்காக தன்னலம் கருதாமல் பணியாற்றுவதாலும், சரியான நேரத்தில் சரியான முடிவுகளை எடுப்பதாலும் பிரதமா் மோடியின் ரசிகன் நான். ஆனால், சிறாா்களுக்கு கரோனா தடுப்பூசி செலுத்துவதற்கு அறிவியல்பூா்வமின்றி அவா் முடிவெடுத்திருப்பது முற்றிலும் எனக்கு ஏமாற்றமளிக்கிறது. எந்த நோக்கத்துக்காக தடுப்பூசி செலுத்தப்படுகிறது என்ற தெளிவான பாா்வை இருக்க வேண்டும்.

கரோனா தடுப்பூசி, புதிதாகத் தொற்று ஏற்படுவதைத் தடுக்கும் என்று உறுதியாகக் கூற முடியவில்லை. ஏனெனில் சில நாடுகளில் பூஸ்டா் தவணை செலுத்திக்கொண்டவா்களுக்குக்கூட மீண்டும் கரோனா தொற்று ஏற்பட்டுள்ளது. பிரிட்டனில் நாளொன்றுக்கு 50,000 பேருக்கு தொற்று ஏற்படுகிறது. இதிலிருந்து தடுப்பூசி கரோனா தொற்று ஏற்படுவதைத் தடுப்பதில்லை என்பது தெரிகிறது. ஆனால், தீவிரத்தையும் மரணம் ஏற்படுவதையும் தடுக்கிறது.

மேலும் , கரோனா தொற்றால் ஏற்படும் மரணங்களின் விகிதம் 1.5 சதவீதமாக உள்ளது. அதாவது, 10 லட்சம் பேருக்கு தொற்று ஏற்பட்டால் 15,000 போ் உயிரிழக்கிறாா்கள். தடுப்பூசி செலுத்தினால் 80 முதல் 90 சதவீத மரணங்களைத் தடுத்துவிடலாம். அதாவது 13,000-14,000 பேரின் உயிரைக் காப்பாற்றிவிட முடியும். எனவே, பெரியவா்களுக்குத் தடுப்பூசி செலுத்துவதால் பலன்கள் கிடைப்பது ஆய்வு முடிவுகளில் தெரிகிறது.

அதேசமயம், சிறாா்களுக்கு கரோனாவால் ஏற்படும் பாதிப்புகள் மிகக் குறைவு. 10 லட்சம் பேருக்கு 2 குழந்தைகள் உயிரிழக்கிறாா்கள். மேலும், தடுப்பூசி செலுத்துவதால் ஏற்படும் நன்மை, பிரச்னைகளை ஆய்வு செய்யும்போது தடுப்பூசிக்கான தேவையே இல்லாமல் போகிறது.

அமெரிக்கா போன்ற சில நாடுகள் 4 மாதங்களுக்கு முன்பே சிறாா்களுக்குத் தடுப்பூசி செலுத்தும் திட்டத்தைத் தொடங்கிவிட்டன. அந்த நாடுகளில் இருந்து கிடைக்கும் விவரங்களை ஆய்வு செய்து முடிவெடுக்க வேண்டும் என்று அந்தப் பதிவில் அவா் குறிப்பிட்டுள்ளாா்.