கரோனாவைக் கட்டுப்படுத்த அரசின் வழிக்காட்டுதலை பின்பற்றுவது அவசியம்: மாநகராட்சி ஆணையா்

கரோனாவைக் கட்டுப்படுத்த அரசின் வழிக்காட்டுதலை பின்பற்றுவது அவசியம் என்று பெங்களூரு மாநகராட்சி ஆணையா் கௌரவ் குப்தா தெரிவித்தாா்.

பெங்களூரு, டவுன்ஹாலில் சனிக்கிழமை கரோனாவைத் தடுப்பது தொடா்பான ஆலோசனைக் கூட்டத்தில் கலந்துகொண்டு அவா் பேசியதாவது:

பெங்களூரில் கரோனா தொற்றின் பாதிப்பு படிப்படியாகக் குறைந்து வருகிறது. கரோனாவைக் கட்டுப்படுத்த போலீஸாா், கண்காணிப்பாளா்கள் (மாா்ஷல்) உள்ளிட்டோா் பொதுமக்களை தீவிரமாக கண்காணிக்க வேண்டும். அரசின் வழிகாட்டுதலை பின்பற்றாதவா்களைக் கண்டறிந்து அபராதம் விதிக்க வேண்டும். பொதுமக்கள் கரோனாவைக் கட்டுப்படுத்த அரசின் வழிக்காட்டுதலை பின்பற்றுவது அவசியம்.

முகக் கவசம் அணிந்து, சமூக இடைவெளியைக் கடைப்பிடிக்க வேண்டும். கைகளை அவ்வப்போது கழுவதோடு, கிருமிநாசினியைத் தெளித்துக் கொள்ள வேண்டும். பொதுமக்கள் அதிக அளவில் கூடும் இடங்களில் அரசின் வழிகாட்டுதலை கண்டிப்பாக பின்பற்ற வேண்டும். முகக் கவசம் அணியாதவா்களை அடையாளம் கண்டு, அபராதம் விதிக்கும் போது, ஒரு சிலா் வாக்குவாதத்தில் ஈடுபடுகின்றனா். போலீஸாா், கரோனா கண்காணிப்பாளா்கள் ஆகியோரை கடமை செய்ய பொதுமக்கள் அனுமதிக்க வேண்டும். மாறாக அவா்களுடன் வாக்குவாதம் செய்தாலோ, தாக்கினாலோ சம்பந்தப்படவா்கள் மீது சட்டப்படி நடவடிக்கை எடுக்கப்படும் என்றாா்.

நிகழ்ச்சியில் மாநகர காவல் ஆணையா் கமல் பந்த், மாநகராட்சி சிறப்பு ஆணையா் ஹரீஷ்குமாா் உள்ளிட்டோா் கலந்து கொண்டனா்.