நாட்டில் கரோனா 2-வது அலை பரவி வரும் நிலையில், இதுவரை23.61 கோடி பேருக்கு கரோனா தடுப்பூசி போடப்பட்டுள்ளதாக சுகாதாரத் துறை தெரிவித்துள்ளது.

நாடு முழுவதும் பல்வேறு மாநிலங்களில் கரோனா 2-வது அலை வேகமாகப் பரவி வருகிறது. இதனைக் கட்டுப்படுத்த மாநில அரசுகள் பல்வேறு முயற்சிகளை மேற்கொண்டு வருகின்றன.

படிக்க: நாட்டில் ஒரு லட்சத்திற்கு கீழ் குறைந்த தினசரி கரோனா

அந்தவகையில் மத்திய அரசிடமிருந்து தடுப்பூசிகளைப் பெற்று மாநில சுகாதாரத் துறை சார்பில் மக்களுக்குத் தடுப்பூசி செலுத்தப்பட்டு வருகிறது.

கடந்த 24 மணி நேரத்தில் 33,64,476 பேருக்கு கரோனா தடுப்பூசி செலுத்தப்பட்டுள்ளது. இதனால் இதுவரை மொத்தமாக கரோனா தடுப்பூசி போட்டுக்கொண்டவர்களின் எண்ணிக்கை 23,61,98,726-ஆக அதிகரித்துள்ளது.

இதில் 18.93 கோடி (18,93,54,930) பேருக்கு முதல் தவணை தடுப்பூசியும், 4.65 கோடி (4,65,84,235) பேருக்கு இரண்டாம் தவணை தடுப்பூசியும் செலுத்தப்பட்டுள்ளது.