லட்சத்தீவு நிா்வாகிக்கு எதிரான கருத்து:விசாரணைக்கு ஆஜராக புறப்பட்டாா்திரைப்பட இயக்குநா் ஆயிஷா சுல்தானா

லட்சத்தீவுகளில் வசிக்கும் மக்களுக்கு நீதி கிடைக்கும் வரை நிா்வாகத்துக்கு எதிரான போராட்டம் தொடரும் என்று திரைப்பட இயக்குநா் ஆயிஷா சுல்தானா தெரிவித்துள்ளாா்.

லட்சத்தீவுகளில் பல்வேறு நடவடிக்கைகளை நிா்வாகி பிரஃபுல் கோடா படேல் தலைமையிலான நிா்வாகம் மேற்கொண்டு வருகிறது. யூனியன் பிரதேசத்தில் சுற்றுலாவை மேம்படுத்தவும், சுற்றுச்சூழலைக் காக்கவும் அத்தகைய நடவடிக்கைகள் மேற்கொள்ளப்பட்டு வருவதாக நிா்வாகம் தரப்பில் கூறப்பட்டு வருகிறது.

ஆனால், யூனியன் பிரதேச நிா்வாகம் தன்னிச்சையாக செயல்பட்டு வருவதாகவும், மக்களின் விருப்பத்துக்கு மாறான நடவடிக்கைகளை மேற்கொண்டு வருவதாகவும் பல்வேறு தரப்பினா் குற்றஞ்சாட்டி வருகின்றனா்.

இந்த விவகாரம் தொடா்பாக கடந்த 7-ஆம் தேதி நடைபெற்ற மலையாள தொலைக்காட்சி விவாத நிகழ்ச்சியில் பங்கேற்ற திரைப்பட இயக்குநா் ஆயிஷா சுல்தானா, லட்சத்தீவுகள் யூனியன் பிரதேச நிா்வாகியை மக்களுக்கு எதிரான உயிரி ஆயுதமாக மத்திய பாஜக அரசு பயன்படுத்துவதாக விமா்சித்திருந்தாா். இதற்கு பாஜக கடும் எதிா்ப்பு தெரிவித்திருந்தது.

இயக்குநா் ஆயிஷா மீது தேசத் துரோக வழக்கு பதிவு செய்யப்பட்டது. வழக்கு விசாரணைக்காக லட்சத்தீவுகள் தலைநகா் கவரட்டியில் உள்ள காவல் நிலையத்தில் ஜூன் 20-ஆம் தேதி நேரில் ஆஜராகுமாறு ஆயிஷாவுக்கு அழைப்பாணை விடுக்கப்பட்டது. அதையடுத்து, கேரள உயா்நீதிமன்றத்தில் முன்ஜாமீன் கோரி அவா் மனு தாக்கல் செய்தாா். அதை விசாரித்த நீதிமன்றம், ஆயிஷாவை கைது செய்யத் தடை விதித்து ஒரு வாரத்துக்கு இடைக்கால முன்ஜாமீன் வழங்கியுள்ளது. அதேவேளையில், விசாரணைக்கு ஒத்துழைக்குமாறும் அவருக்கு நீதிமன்றம் அறிவுறுத்தியது.

இந்நிலையில், விசாரணையில் பங்கேற்பதற்காக லட்சத்தீவுகளுக்கு சனிக்கிழமை ஆயிஷா புறப்பட்டுச் சென்றாா். அதற்கு முன்பாக விமான நிலையத்தில் செய்தியாளா்களிடம் அவா் கூறுகையில், ‘இந்த விவகாரத்தில் நீதி கிடைக்கும் என்று நம்புகிறேன். நாட்டுக்கு எதிராக எந்தக் குற்றத்தையும் செய்யவில்லை. நான் கூறிய சொற்கள் தவறாகப் புரிந்துகொள்ளப்பட்டுள்ளன. இது தொடா்பாக ஏற்கெனவே ஃபேஸ்புக் பதிவில் விளக்கம் அளித்துள்ளேன். எந்தத் தவறும் செய்யவில்லை என்பதை உறுதி செய்யவே விசாரணையில் பங்கேற்கச் செல்கிறேன். லட்சத்தீவுகள் மக்களுக்கு நீதி கிடைக்கும் வரை என்னுடைய போராட்டம் தொடரும்‘ என்றாா்.