மாநிலங்களுக்கு இதுவரை 21.89 கோடி தடுப்பூசிகள் விநியோகம்: மத்திய அரசு

மாநிலங்கள் மற்றும் யூனியன் பிரதேசங்களுக்கு இதுவரை 21.89 கோடிக்கும் மேலான தடுப்பூசிகள் விநியோகிக்கப்பட்டுள்ளதாக மத்திய சுகாதாரத் துறை அமைச்சகம் செவ்வாய்க்கிழமை தெரிவித்தது.

செவ்வாய்க்கிழமை காலை 8 மணி தரவுகளின்படி வீணான 21.89 கோடி தடுப்பூசிகள் உள்பட 19,93,39,750 தடுப்பூசிகள் பயன்படுத்தப்பட்டுள்ளன.  

இதுபற்றி மத்திய சுகாதாரத் துறை அமைச்சகம் தெரிவித்தது:

"மாநிலங்கள் மற்றும் யூனியன் பிரதேசங்களிடம் மேலும் 1,77,67,850 தடுப்பூசிகள் இன்னும் கையிருப்பில் உள்ளன. அடுத்த 3 நாள்களில் மேலும் 7 லட்சம் தடுப்பூசிகளை மாநிலங்கள் மற்றும் யூனியன் பிரதேசங்கள் பெறவுள்ளன.   

மேலும் மாநிலங்கள் மற்றும் யூனியன் பிரதேசங்கள் தடுப்பூசிகளை நேரடியாகக் கொள்முதல் செய்வதற்கும் இந்திய அரசு உதவுகிறது."