ஆா்யன் கானை விடுவிக்க ரூ.25 கோடி பேரம்:விசாரணைக்கு என்சிபி உத்தரவு

ஆா்யன் கானை விடுவிக்க நடிகா் ஷாருக் கானிடம் ரூ.25 கோடி கேட்டு பேரம் பேசப்பட்டதாக எழுந்துள்ள குற்றச்சாட்டு குறித்து போதைப்பொருள் தடுப்புப் பிரிவு (என்சிபி) ஊழல் கண்காணிப்பு விசாரணைக்கு உத்தரவிட்டுள்ளது.

இதனிடையே, வழக்கை விசாரித்து வரும் என்சிபி இயக்குநா் சமீா் வான்கடே திங்கள்கிழமை இரவு தில்லி வந்தாா். தன்னை தலைமையகம் சம்மன் செய்யவில்லை என்றும் சில பணியின் காரணமாகதான் தில்லி வந்தேன் என்றும் சமீா் வான்கடே தில்லி விமான நிலையத்தில் தெரிவித்தாா்.

மகாராஷ்டிர மாநிலம் மும்பை கடற்கரைப் பகுதியில் இருந்த சொகுசு கப்பலில் போதைப்பொருள் பறிமுதல் செய்யப்பட்டது தொடா்பாக நடிகா் ஷாருக் கானின் மகன் ஆா்யன் கான் உள்பட 20 போ் கைது செய்யப்பட்டுள்ளனா். இவா்களில் ஆா்யன் கானை விடுவிக்க ஷாருக் கானிடம் ரூ.25 கோடி கேட்டு பேரம் பேசப்பட்டதாக, சொகுசு கப்பலில் நடைபெற்ற சோதனையின்போது என்சிபி அதிகாரிகளால் சாட்சியாக அழைத்துச் செல்லப்பட்ட பிரபாகா் சைல் என்ற நபா் குற்றஞ்சாட்டினாா். சொகுசு கப்பலில் போதைப்பொருள் பறிமுதல் செய்யப்பட்ட வழக்கை விசாரித்து வரும் என்சிபி அமைப்பின் மண்டல இயக்குநா் சமீா் வான்கடேவுக்கும், அந்த அமைப்பின் அதிகாரிகள் சிலருக்கும் பேரம் பேசியதில் தொடா்பிருப்பதாகவும் இதுதொடா்பான ஆதாரங்களை விரைவில் வெளியிடுவதாகவும் அவா் தெரிவித்தாா்.

இந்தக் குற்றச்சாட்டுகள் குறித்து விசாரணை நடத்த என்சிபி உத்தரவிட்டுள்ளது. என்சிபி அமைப்பின் வடக்கு மண்டல துணைத் தலைவரும், அந்த அமைப்பின் ஊழல் கண்காணிப்பு தலைமை அதிகாரியுமான ஞானேஷ்வா் சிங் அந்தக் குற்றச்சாட்டுகள் குறித்து விசாரணை மேற்கொள்ளவுள்ளாா்.

இதுகுறித்து பிடிஐ செய்தி நிறுவனத்திடம் ஞானேஷ்வா் சிங் கூறுகையில், ‘‘பிராபகா் சைலின் குற்றச்சாட்டுகள் எழுத்துபூா்வமாக என்சிபிக்கு கிடைத்துள்ளது. இதுதொடா்பாக என்சிபியின் தெற்கு-மேற்கு மண்டல துணைத் தலைவரும் அறிக்கை அளித்துள்ளாா். அந்த அறிக்கையை என்சிபி தலைவா் பரிசீலித்தாா். அதன் பின்னா், அந்த அறிக்கையை என்சிபியின் ஊழல் கண்காணிப்புப் பிரிவுக்கு விசாரணைக்காக அனுப்பி வைத்தாா். பிரபாகா் சைலின் குற்றச்சாட்டுகள் குறித்து நோ்மையாகவும் வெளிப்படையான முறையிலும் விசாரணை மேற்கொள்ளப்படும்’’ என்று தெரிவித்தாா்.

சமீா் வான்கடே மீது எழுந்துள்ள குற்றச்சாட்டையடுத்து, சொகுசு கப்பலில் போதைப்பொருள் பறிமுதல் செய்யப்பட்ட வழக்கை அவா் தொடா்ந்து விசாரிக்க அனுமதிக்கப்படுவாரா என்று ஞானேஷ்வா் சிங்கிடம் கேட்கப்பட்டது. அதற்குப் பதிலளித்த அவா், ‘‘பேரம் பேசப்பட்டதாக கூறப்படும் குற்றச்சாட்டு குறித்து ஊழல் கண்காணிப்பு விசாரணையின் ஆதாரங்களைப் பொருத்து முடிவு செய்யப்படும்’’ என்று தெரிவித்தாா்.

இது தொடா்பாக என்சிபி அதிகாரிகள் கூறுகையில், ‘‘பிராபகா் சைல் தெரிவித்துள்ள குற்றச்சாட்டுகளின் அனைத்து விவரங்கள் குறித்தும் விசாரணை நடத்தப்படும். அவரிடமும் விசாரிக்க வாய்ப்புள்ளது. சமீா் வான்கடேவிடமும் விசாரணை மேற்கொள்ளப்பட்டு அவரின் வாக்குமூலம் பதிவு செய்யப்படும்’’ என்று தெரிவித்தனா்.

நீதிமன்றத்தில் பிரமாணப் பத்திரம்: சொகுசு கப்பலில் போதைப்பொருள் பறிமுதல் செய்யப்பட்ட வழக்குத் தொடா்பான விசாரணை மும்பை சிறப்பு நீதிமன்றத்தில் நடைபெற்று வருகிறது. அந்த நீதிமன்றத்தில் சமீா் வான்கடே திங்கள்கிழமை தாக்கல் செய்த பிரமாணப் பத்திரத்தில், ‘‘சொகுசு கப்பலில் போதைப்பொருள் பறிமுதல் செய்யப்பட்ட வழக்கில் சமூகத்தில் உயா்ந்த அந்தஸ்தில் உள்ள செல்வாக்கு மிக்க நபா்களுக்கும் செல்வந்தா்களுக்கும் தொடா்புள்ளது. இந்த வழக்கு நோ்மையாகவும் பாரபட்சமற்ற முறையிலும் விசாரிக்கப்படுவதை சிலா் விரும்பவில்லை. எனவே என்னை கைது செய்வது உள்பட பல்வேறு அச்சுறுத்தல்கள் வருகின்றன.

போதைப்பொருள் பறிமுதல் தொடா்பான விசாரணையை வழிநடத்த தொடங்கியது முதல், நன்கு அறியப்பட்ட அரசியல் பிரமுகரின் (மகாராஷ்டிர அமைச்சா் நவாப் மாலிக்) இலக்குக்கு நான் ஆளாகியுள்ளேன். அந்த அரசியல் பிரமுகரின் மருமகனை (சமீா் கான்) என்சிபி கைது செய்ததே அதற்குக் காரணம். எனவே அதிகாரிகளுக்கு இழுக்கு ஏற்படுத்தும் நோக்கில் அவா்களுக்கு தரப்படும் அழுத்தங்கள் குறித்து நீதிமன்றம் கவனத்தில் கொண்டு உரிய உத்தரவு பிறப்பிக்க வேண்டும்’’ என்று தெரிவித்துள்ளாா்.

அப்பழுக்கற்ற பணி: இந்த நீதிமன்றத்தில் என்சிபி தாக்கல் செய்த பிரமாணப் பத்திரத்தில், ‘‘வான்கடே உள்ளிட்ட என்சிபி அதிகாரிகள் அப்பழுக்கற்ற விதத்தில் பணிபுரிந்து வந்துள்ளனா். மும்பையை போதைப்பொருள் இல்லாத நகரமாக்க அவா்கள் நோ்மையாகவும் ஒற்றுமையாகவும் இடையறாது பணிபுரிந்து வருகின்றனா். எனவே என்சிபி அதிகாரிகள் பேரம் பேசி பணம் பறிப்பில் ஈடுபட்டதாக சுமத்தப்படும் குற்றச்சாட்டுகள் முற்றிலும் தவறானவை. என்சிபியின் நற்பெயருக்கு களங்கத்தை ஏற்படுத்தும் உள்நோக்கம் கொண்டவை. இந்தக் குற்றச்சாட்டுகள் சொகுசு கப்பலில் போதைப்பொருள் பறிமுதல் செய்யப்பட்டது தொடா்பான விசாரணையை சீா்குலைப்பதற்கான முயற்சிகளாகும்’’ என்று தெரிவிக்கப்பட்டுள்ளது.

இந்தப் பிரமாணப் பத்திரங்களைத் தாக்கல் செய்த சிறப்பு அரசுத் தரப்பு வழக்குரைஞா், ‘‘தனது குற்றச்சாட்டுகள் தொடா்பான ஆதாரங்களை வெளியிடவுள்ளதாக பிரபாகா் சைல் தெரிவித்துள்ளாா். அது போதைப்பொருள் பறிமுதல் வழக்கின் விசாரணையை பாதிக்கும். எனவே அவா் ஆதாரங்களை வெளியிடுவது தொடா்பாக தகுந்த உத்தரவுகளை பிறப்பிக்க வேண்டும்’’ என்று நீதிமன்றத்திடம் கேட்டுக் கொண்டாா்.

போலீஸாரை சந்தித்த பிரபாகா் சைல்: மும்பை காவல் ஆணையா் அலுவலகத்துக்குத் திங்கள்கிழமை காலை வந்த பிரபாகா் சைல், காவல் இணை ஆணையரை (குற்றப்பிரிவு) சந்தித்தாா். சுமாா் ஒரு மணி நேரம் அங்கிருந்த அவா், பின்னா் சஹாா் பகுதி போலீஸாரைச் சந்தித்தாா். அந்தப் பகுதியில் வசிக்கும் தனது மனைவி, குழந்தைகளுக்கும், அவா்களை சந்திக்க வரும்போதெல்லாம் தனக்கும் பாதுகாப்பு அளிக்க வேண்டும் என்று பிரபாகா் சைல் கேட்டுக் கொண்டதாக போலீஸாா் தெரிவித்தனா். யாா் மீதும் அவா் புகாா் அளிக்கவில்லை என்றும் அவா்கள் கூறினா்.

சரணடைகிறாா் கொசாவி

ஆா்யன் கான் போதைப்பொருள் வழக்கில் என்சிபி சாட்சியான கிரண் கொசாவி லக்னௌ போலீஸாா் முன்பாக விரைவில் சரணடையப் போவதாக தெரிவித்துள்ளாா்.

பல நாள்களாத் தலைமறைவாக உள்ள அவா் மீது மும்பை போதைப்பொருள் வழக்கு தொடா்பாக பணப் பறிப்பு வழக்கும், புணேயில் பண மோசடி வழக்கும் பதிவாகியுள்ளன. இந்த நிலையில், தொலைக்காட்சி சேனல்களுக்குத் தனது மறைவிடத்திலிருந்து திங்கள்கிழமை அளித்த பேட்டியில், ‘உ.பி. மாநிலம், லக்னௌவில் போலீஸாா் முன்பாக சரணடைவேன்’ என்றாா்.

ஆா்யன் கான் விவகாரத்தில் பண பேரம் நடைபெற்ாக பிரபாகா் சைல் கூறுவது முற்றிலும் பொய் என்றும் கொசாவி கூறினாா்.