ஜம்மு: ஜம்மு - காஷ்மீர் சென்றிருக்கும் மத்திய உள்துறை அமைச்சர் அமித் ஷா, கத்ராவில் உள்ள வைஷ்ணோ தேவி கோயிலில் செவ்வாய்க்கிழமை காலை சுவாமி தரிசனம் செய்தார்.

கத்ராவுக்கு ஹெலிகாப்டர் மூலம் வந்த அமித் ஷாவுடன், ஜம்மு காஷ்மீர் ஆளுநர் உடன் இருந்தார்.

இதையும் படிக்க | ஜம்மு-காஷ்மீரில் சிறைத்துறை டிஜிபி கொடூர கொலை: வீட்டுப் பணியாளர் மாயம்

மத்திய உள்துறை அமைச்சராக அமித் ஷா பொறுப்பேற்றுக் கொண்ட பிறகு, குகைக் கோயிலுக்கு இவர் வருகை தருவது இதுவே முதல்முறையாகும்.

இவரது ஜம்மு -காஷ்மீர் பயணத்தில் வைஷ்ணோ தேவி கோயில் வழிபாடும், நவராத்திரியின் முக்கிய நிகழ்வான 9ஆம் நாள் விழாவும் ஒன்றாக வந்திருப்பது சிறப்பாகக் கருதப்படுகிறது.

கோயிலில் வழிபாடு செய்துவிட்டு, ரஜௌரியில் நடைபெறும் பொதுக்கூட்டத்தில் கலந்து கொள்கிறார் அமித் ஷா.