தில்லி ஐஐடி.யில் புதிதாக எம்.டெக் சேரும் மாணவர்களுக்கான கல்விக் கட்டணத்தில் 30 சதவீதம் குறைக்கப்பட்டுள்ளது. 

கட்டண உயர்வு தொடர்பாக மாணவர்களின் ஒரு பகுதியினர் மௌனப் போராட்டத்தை நடத்தி வந்தனர். இதைத் தொடர்ந்து, இயக்குனர் அமைத்த குழுவின் பரிந்துரைகளைத் தொடர்ந்து எம்.டெக் மாணவர்களுக்கான கல்விக் கட்டணத்தில் 30 சதவீதம் குறைக்கப்பட்டுள்ளது. 

படிக்க: 9 மாவட்டங்களில் இன்று கனமழைக்கு வாய்ப்பு!

2021-22 இரண்டாம் செமஸ்டர் அல்லது அதற்குப் பிறகு சேர்ந்தவர்களுக்கான கல்விக் கட்டணமும் குறைக்கப்பட்டுள்ளது. எம்.டெக் முழுநேர கல்விக் கட்டணம் ஒரு செமஸ்டருக்கு ரூ.25 ஆயிரத்திலிருந்து, ஒரு செமஸ்டருக்கு ரூ.17,500 ஆகக் குறைக்கப்பட்டுள்ளது. 

இதையடுத்து பிற முதுநிலை (பிஜி) படிப்புக்கான கல்விக் கட்டணம் 
மற்றும் பிற கட்டணங்கள் கணிசமாகக் குறைக்கப்பட்டுள்ளதாக அறிக்கையில் கூறப்பட்டுள்ளது.