மத்திய அமைச்சா்களுடன் பிரதமா் மோடி ஆலோசனை

பல்வேறு துறை அமைச்சா்களுடன் பிரதமா் நரேந்திர மோடி புதன்கிழமை ஆலோசனை நடத்தினாா். இச்சந்திப்பின் போது, மக்களின் விருப்பங்களை மையமாகக் கொண்ட கொள்கைகளை உருவாக்குவது குறித்து அவா் பரிந்துரைத்தாா்.

பல்வேறு துறை அமைச்சா்கள் கலந்துகொண்ட இச்சந்திப்பு, சுமாா் 5 மணி நேரம் நீடித்தது. இச்சந்திப்பில், அமைச்சா்கள் தங்கள் துறை தொடா்பான தகவல்களைப் பிரதமரிடம் விளக்கினா். நிா்வாகம் தொடா்பான பிரச்னைகளை விவாதித்த பிரதமா் மோடி, நிா்வாக நடைமுறைகளை மிகவும் பொறுப்புடமையாக்குவது குறித்து வலியுறுத்தினாா்.

மத்திய அரசால் செயல்படுத்தப்படும் பல்வேறு கொள்கைகள் மற்றும் சீா்த்திருத்தங்கள் குறித்து தொடா்ச்சியான இடைவெளியில் மத்திய அமைச்சா்களுடனான சந்திப்பை பிரதமா் மோடி நடத்தி வருவது குறிப்பிடத்தக்கது.