குஜராத்தில் ஆட்டோ உதிரிபாகங்கள் கிடங்கில் பயங்கர தீ

வதோதரா (குஜராத்): குஜராத்தின் வதோதரா மாவட்டத்தில் ஹாலோல் சாலை அருகே உள்ள ஆட்டோமொபைல் உதிரி பாகங்கள் கிடங்கில் வியாழக்கிழமை இரவு பெரும் தீ விபத்து ஏற்பட்டது. தீயை அணைக்கும் பணியில் 11 தீயணைப்பு வாகனங்களூடன் தீயணைப்பு வீரர்கள் ஈடுபட்டுள்ளனர். 

குஜராத் மாநிலம், வதோரா மாவட்டத்தில் "ஹாலோல் சாலைக்கு அருகில் உள்ள ஆட்டோமொபைல் உதிரி பாகங்கள் கிடங்கில் வியாழக்கிழமை இரவு திடீரென பெரும் தீ விபத்து ஏற்பட்டது.  

இதுகுறித்து தகவல் அறிந்து 11 தீயணைப்பு வாகனங்களுடன் விரைந்து வந்து தீயணைப்பு வீரர்கள் மற்றும் அங்கு 56க்கும் மேற்பட்ட ஊழியர்கள் தீயைகட்டுக்குள் கொண்டுவர போராடி வருகின்றனர். 

இதையும் படிக்க | ரஷியாவுடன் இணைப்பு: ஆக்கிரமிப்பு உக்ரைனில் சா்ச்சைக்குரிய பொதுவாக்கெடுப்பு

தீ விபத்தில் கிடங்கில் உள்ள டயர்கள் மற்றும் எண்ணெய் போன்ற இரு சக்கர வாகன உதிரி பாகங்கள் அதிகயளவில் எரிந்து வருவதால் அந்த பகுதி முழுவதும் புகைமண்டலமாக காட்சியளிக்கிறது. 

இந்த தீ விபத்தில் இதுவரை எந்த உயிர்சேதமும் ஏற்படவில்லை என்று தலைமை தீயணைப்பு அதிகாரி பார்த் பிரம்பட் கூறினார்.