ஆண் குழந்தை பெற வேண்டும் என்ற கருத்திலிருந்து விலகி வரும் மக்கள்: உச்சநீதிமன்றம்

‘கல்வி பரவல் மற்றும் அதன் தாக்கத்தின் காரணமாக ஒரு ஆண் குழந்தையாவது பெற்றுக் கொள்ள வேண்டும் என்ற கருத்திலிருந்து மக்கள் தற்போது விலகி வருகின்றனா்’ என்று உச்சநீதிமன்றம் வியாழக்கிழமை கூறியது.

ஒரே பாலின திருமணத்துக்கு அங்கீகாரம் கோரும் மனு மீதான விசாரணையின்போது இந்தக் கருத்தை நீதிபதிகள் தெரிவித்தனா்.

நாட்டில் ஒரே பாலினத்தவா் திருமணம் செய்து கொள்வதற்கு சட்ட அங்கீகாரம் வழங்கி உத்தரவிடக் கோரி உச்ச நீதிமன்றத்தில் மனுக்கள் தாக்கல் செய்யப்பட்டன. அந்த மனுக்களை தலைமை நீதிபதி டி.ஒய்.சந்திரசூட், எஸ்.கே.கௌல், எஸ்.ரவீந்திர பட், பி.எஸ்.நரசிம்மா, ஹிமா கோலி ஆகியோரைக் கொண்ட அரசியல் சாசன அமா்வு செவ்வாய்க்கிழமை முதல் விசாரித்து வருகிறது. தொடா்ந்து மூன்றாவது நாளாக வியாழக்கிழமையும் விசாரணை நடைபெற்றது.

அப்போது, மனுதாரா் ஒருவா் தரப்பில் ஆஜரான வழக்குரைஞா், இந்த வழக்கில் மனுதாரா்கள் தரப்பில் மேலும் வாதாட இருக்கும் வழக்குரைஞா்கள் பட்டியலை நீதிமன்றத்தில் சமா்ப்பித்தாா்.

இதனைப் பாா்த்த தலைமை நீதிபதி, ‘இந்த வழக்கில் மனுதாரா்கள் தரப்பில் வாதத்தை முன்வைக்க போதுமான கால அவகாசம் அளிக்கப்பட்டுவிட்டது. எதிா் தரப்பினா் வாதாடுவதற்கும் அவகாசம் அளிக்கப்பட வேண்டும். உச்ச நீதிமன்றத்தில் மிக அதிக எண்ணிக்கையில் வழக்குகள் தாக்கல் செய்யப்படுகின்றன. எனவே, நேர சிக்கனத்தை கடைப்பிடிக்காவிடில் அரசியல் சாசன அமா்வு வழக்குகளை விசாரணைக்கு பட்டியிலிடுவது கடினமாகிவிடும்’ என்றாா்.

முன்னதாக, வழக்கு விசாரணையின்போது கருத்து தெரிவித்த தலைமை நீதிபதி டி.ஒய்.சந்திரசூட், ‘இரு பாலின தம்பதிகளைப் பொருத்தவரை கல்வி பரவல், நவீன காலத்தின் தாக்கங்கள் உள்ளிட்ட காரணங்களால் இன்றைக்கு தம்பதிகள் குழந்தை இன்றி இருக்கின்றனா். அல்லது ஒரு குழந்தையுடன் நிறுத்திவிடுகின்றனா். இந்த நிலை காரணமாக, அதிக மக்கள்தொகை கொண்ட சீன போன்ற நாடுகளில் மக்கள்தொகை பகிா்வு என்பது குறைந்து, முதியவா்கள் எண்ணிக்கை அதிகரித்து வருகிறது. அதுபோல, ஒரு ஆண் குழந்தையாவது பெற்றுக் கொள்ள வேண்டும் என்ற கருத்திலிருந்தும் மக்கள் தற்போது விலகி வருகின்றனா். கல்வி பரவல் மற்றும் அதன் தாக்கமுமே இதற்கு காரணம்’ என்று குறிப்பிட்டாா்.

இந்த வழக்கின் அடுத்த விசாரணை ஏப்.24-ஆம் தேதி நடைபெறும்.