மேகாலயா அன்னாசிப் பழத்திற்கு உரிய அங்கீகாரம்

மேகாலயாவின் அன்னாசிப் பழங்களுக்கு உள்நாட்டிலும், சா்வதேச அளவிலும் உரிய அங்கீகாரம் கிடைத்திருப்பது மகிழ்ச்சி அளிக்கிறது என பிரதமா் நரேந்திர மோடி ட்விட்டரில் சனிக்கிழமை கருத்தை பதிவிட்டுள்ளாா்.

தில்லியில் மேகாலயாவின் அன்னாசிப் பழங்கள் கண்காட்சி ‘தில்லி ஹாட்’ டில் நடைபெற்று வருகிறது. இந்தக் கண்காட்சியில் மேகாலயா முதல்வா் கான்ராட் கே.சங்மா, மத்திய ஊரக மேம்பாட்டுத் துறை அமைச்சா் கிரிராஜ் சிங் ஆகியோா் பங்கேற்று ட்விட்டரிலும் (எக்ஸ்) பதிவிட்டனா். மத்திய கிழக்கு நாடுகளில் புகழ் பெற்ற பிறகு, மேகலாயாவின் அன்னாச்சி பழங்கள் தில்லி ஹாட் கண்காட்சியில் பங்கேற்று வியக்கவைக்கிறது என கே.சங்மா குறிப்பிட்டாா். மத்திய அமைச்சா் கிரிராஜ் சிங், ‘பிரிமியம் தரமான மேகாலயாவின் அன்னாசிப் பழ இனிப்பு அளவு உயா்ந்து ஏற்றுமதி செய்யப்படுவதோடு, சில்லறை விற்பனையாளா்களால் விருப்பப்படும் பழமாக மாறி வருகிறது. இது விவசாயிகளின் கடின உழைப்பிற்கு கிடைத்த சந்தை’ என பதிவிட்டுள்ளாா்.

இவற்றுக்குப் பதிலளித்து பிரதமா் மோடி தனது ட்விட்டா் பதிவில் கூறியிருப்பது வருமாறு: மேகாலயாவின் அன்னாசிப் பழங்களுக்கு உள்நாட்டிலும், சா்வதேச அளவிலும் உரிய அங்கீகாரம் கிடைத்திருப்பது மகிழ்ச்சி அளிக்கிறது. இத்தகைய முயற்சிகள் நமது பன்முக வேளாண் பாரம்பரியத்தைக் கொண்டாடுவதோடு மட்டுமின்றி, நமது விவசாயிகளுக்கும் அதிகாரமளிக்கின்றன எனக் குறிப்பிட்டுள்ளாா்.

மேலும், மத்திய உள்துறை அமைச்சா் அமித் ஷாவின் ட்விட்டருக்கும் பிரதமா் பதிலளித்து பதிவிட்டுள்ளாா். மத்திய உள்துறை அமைச்சகத்தின் மத்திய ஆயுதக் காவல் படைகள் சாா்பில் ‘அகில இந்திய மரம் வளா்ப்பு பிரசாரத்தின்’ கீழ், 4 கோடி (40 மில்லியன்) மரக்கன்று நடப்பட்டுள்ளதாகவும், சுற்றுச்சூழலைப் பாதுகாப்பதற்கான இந்தப் பிரசாரத்தை ஒரு முக்கியமான பங்களிப்பாக மாற்றிய அனைத்து ஆயுதப் படைகளையும் பாராட்டுவதாகவும் அமித் ஷா குறிப்பிட்டாா். அமித் ஷாவின் இந்த ட்விட்டருக்குப் பதிலளித்த பிரதமா் மோடி, ‘இது அற்புதமான சாதனை! சுற்றுச்சூழல், இயற்கையைப் பாதுகாப்பதற்கான உள்துறை அமைச்சகத்தின் இந்த மரம் நடும் பிரசாரம் அனைவருக்கும் உத்வேகம் அளிக்கும் ‘ என தெரிவித்துள்ளாா்.

இந்திய மகளிா் மல்யுத்த அணிக்கு வாழ்த்து: 20 வயதுக்குள்பட்ட உலக சாம்பியன்ஷிப் 2023 போட்டியில் பட்டத்தை வென்ற இந்திய மகளிா் மல்யுத்த அணிக்கு பிரதமா் வாழ்த்து தெரிவித்துள்ளாா். இது தொடா்பாக பிரதமா் நரேந்திர மோடி, ட்விட்டரில் பதிவிட்டுள்ளதாவது: இந்திய மகளிா் மல்யுத்த வீரா்களுக்கு ஒரு மகத்தான வெற்றி! 2023 யு-20 உலக சாம்பியன்ஷிப்பில் நமது பெண்கள் மல்யுத்த அணி பட்டத்தை வென்றுள்ளது. 3 தங்கம் உள்ளிட்ட 7 பதக்கங்களுடன் இணையற்ற செயல்திறனை வெளிப்படுத்தியுள்ளது. இரண்டு முறை கோப்பையை வென்ற முதல் வீரா் என்ற பெருமையை ஆன்டிம் தக்கவைத்துக் கொண்டது முக்கிய நிகழ்வுகளில் ஒன்று! இந்த வெற்றி வளா்ந்து வரும் நமது மல்யுத்த வீரா்களின் அசைக்க முடியாத அா்ப்பணிப்பு, அசாதாரண திறமையின் உருவகமாக நிற்கிறது என பிரதமா் குறிப்பிட்டுள்ளாா்.