பிறந்தநாளில் ராஜஸ்தான் முதல்வராகப் பதவியேற்கும் பஜன்லால் சர்மா!

ராஜஸ்தான் முதல்வராக நியமிக்கப்பட்டுள்ள பஜன்லால் சர்மா தனது பிறந்தநாளான டிசம்பர் 15-ம் தேதி பதவியேற்க உள்ளார். 

பதவியேற்பு விழா ஆல்பர்ட் மண்டப அருங்காட்சியகத்தில் நடைபெற உள்ளதால், ஒருநாள் முன்னதாகவே சுற்றலாப் பயணிகளுக்குத் தடை விதிக்கப்பட்டுள்ளது. அதேநேரத்தில் அப்பகுதி முழுவதும் பலத்து போலீஸ் பாதுகாப்பு ஏற்பாடுகள் செய்யப்பட்டுள்ளன. 

ராஜஸ்தான் முதல்வராக நியமிக்கப்பட்டுள்ள பஜன் லால் சர்மா மற்றும் இரண்டு துணை முதல்வர்கள் தியா குமாரி மற்றும் பிரேம்சந்த் பைரவா ஆகியோர் டிசம்பர் 15ஆம் தேதி பதவியேற்க உள்ளனர். 

படிக்க: மகாராஷ்டிரத்தில் 10 மாதங்களில் 2,366 விவசாயிகள் தற்கொலை!

இந்த விழா ஆல்பர்ட் மண்டபத்துக்கு (ராம் நிவாஸ் பாக்) வெளியே பிரம்மாண்டமாக நடத்த ஏற்பாடுகள் செய்யப்பட்டு வருகின்றன. இந்த விழாவிற்கு பாஜக ஆளும் மாநில முதல்வர்கள், பிரதமர் மோடி, உள்துறை அமைச்சர் அமித் ஷா, கட்சியின் தலைவர் ஜெ.பி.நட்டா ஆகியோருக்கு அழைப்பு விடுக்கப்பட்டுள்ளது என்பது குறிப்பிடத்தக்கது.