இந்தியாவுக்கான அமெரிக்க தூதா் எரிக் காா்செட்டி, பாஜக தேசிய தலைவா் ஜெ.பி.நட்டாவை தில்லியில் உள்ள அக்கட்சியின் தலைமை அலுவலகத்தில் வியாழக்கிழமை சந்தித்து ஆலோசனை மேற்கொண்டாா்.

இந்தச் சந்திப்பின்போது இரு நாடுகளின் பரஸ்பர நலன்கள் குறித்து ஆலோசிக்கப்பட்டதாகத் தெரிகிறது.

இது குறித்து பாஜக தரப்பில் வெளியிட்ட பதிவில், கட்சி அறிமுகம் செய்துள்ள ‘பாஜகவை அறிந்துகொள்வோம்’ திட்டத்தின் கீழ் பல்வேறு நாடுகளின் தூதா்களுக்கு ஆளும் கட்சியின் அரசியல் பயணம், சித்தாந்தம், நிா்வாக கொள்கைகள் உள்ளிட்டவை குறித்து விவரிக்கப்பட்டு வருகிறது. அந்த வகையில், ஜெ.பி.நட்டா - காா்செட்டி சந்திப்பு நடைபெற்றுள்ளது. இரு நாடுகளுக்கு இடையேயான பொதுவான விஷயங்கள் குறித்தும் இந்தச் சந்திப்பில் ஆலோசிக்கப்பட்டது’ என்று தெரிவிக்கப்பட்டுள்ளது.