எக்ஸ் வலைதளத்தில் 2.1 கோடி பேரால் பின்தொடரப்படுவதைக் கொண்டாடும் விதமாக தனது ஆதரவாளா்களுக்கு பாஜக நன்றி தெரிவித்துள்ளது.

எக்ஸ் வலைதளத்தில் காங்கிரஸை 99 லட்சம் பேரும், ஆம் ஆத்மியை 65 லட்சம் பேரும், சமாஜவாதியை 39 லட்சம் பேரும் பின்தொடா்கின்றனா். இந்த மூன்று கட்சிகளையும் பின்தொடா்பவா்களின் மொத்த எண்ணிக்கையைக் காட்டிலும் பாஜக அதிகப்படியான நபா்களால் பின்தொடரப்படுகிறது. இதனைக் கொண்டாடும் விதமாக எக்ஸ் வலைதளத்தில் பாஜக வெளியிட்ட பதிவு: 21-ஆம் நூற்றாண்டில் இந்தியாவை ஒன்றாகக் கட்டமைக்கிறோம். நாம் இப்போது 2.1 கோடி ஆதரவாளா்களைப் பெற்று ஒரே குடும்பமாக உள்ளோம். இதற்கு நன்றிகள் மற்றும் பாராட்டுகள் எனப் பதிவிட்டுள்ளது.

எக்ஸ் வலைதளத்தில் ராஷ்ட்ரீய ஜனதா தளத்தை 10 லட்சம் பேரும், ஐக்கிய ஜனதா தளத்தை 2.35 லட்சம் பேரும், திமுகவை 9.15 லட்சம் பேரும், சிவசேனையை (உத்தவ் பிரிவு) 8.76 லட்சம் பேரும், தேசியவாத காங்கிரஸை 7.48 லட்சம் பேரும் பின்தொடா்கின்றனா்.