‘நமது எதிா்காலம் மற்றும் உத்வேகமூட்டும் கனவுகளை கட்டமைப்பதில் ஆசிரியா்கள் முக்கிய பங்கு வகிக்கின்றனா்’ என்று பிரதமா் மோடி புகழாரம் சூட்டியுள்ளாா்.

ஆசிரியா்கள் தினத்தையொட்டி வெளியிட்ட வாழ்த்துப் பதிவில் அவா் இவ்வாறு கூறியுள்ளாா்.

நாட்டின் முதல் குடியரசு துணைத் தலைவா், இரண்டாவது குடியரசுத் தலைவா், புகழ்பெற்ற கல்வியாளா், எழுத்தாளா், சிறந்த தத்துவஞானி என பன்முகங்களைக் கொண்ட எஸ்.ராதா கிருஷ்ணனின் பிறந்த தினமான செப்டம்பா் 5-ஆம் தேதி ஆசிரியா்கள் தினமாக கொண்டாடப்படுகிறது. கல்வியோடு ஒழுக்கத்தையும் போதித்து, வழிகாட்டியாக திகழும் ஆசிரியா்களுக்கு இத்தினத்தில் நன்றி செலுத்தப்படுகிறது.

ஆசிரியா்கள் தினமான செவ்வாய்க்கிழமை பிரதமா் மோடி எக்ஸ் வலைதளத்தில் வாழ்த்துப் பதிவு வெளியிட்டாா். அதில் கூறப்பட்டுள்ளதாவது:

நமது எதிா்காலம் மற்றும் உத்வேகமூட்டும் கனவுகளை கட்டமைப்பதில் ஆசிரியா்கள் முக்கிய பங்கு வகிக்கின்றனா். ஆசிரியா்கள் தினத்தில், அவா்களின் உறுதியான அா்ப்பணிப்பு மற்றும் அவா்கள் ஏற்படுத்தும் மிகச் சிறந்த தாக்கத்துக்காக தலைவணங்குகிறேன். முன்னாள் குடியரசுத் தலைவா் எஸ்.ராதா கிருஷ்ணனின் பிறந்த தினத்தில் அவருக்கு மரியாதை செலுத்துகிறேன் என்று தனது பதிவில் பிரதமா் மோடி குறிப்பிட்டுள்ளாா்.

மேலும், தேசிய நல்லாசிரியா் விருது பெற்ற 75 பேருடன் தான் திங்கள்கிழமை கலந்துரையாடிய விடியோவையும் பிரதமா் பகிா்ந்துள்ளாா்.

‘எதிா்ப்பாளா்களும் ஆசிரியா்களே’: ஆசிரியா்கள் தினத்தையொட்டி, காங்கிரஸ் எம்.பி. ராகுல் காந்தி முகநூலில் வெளியிட்ட பதிவில், ‘ஆசிரியா்களுக்கு நமது வாழ்வில் மிக உயா்ந்த இடம் உண்டு; ஏனெனில், நமது வாழ்க்கை பாதைக்கு ஒளியூட்டுவதுடன், சரியான திசையில் பயணிக்க ஆசிரியா்கள் உத்வேகமளிக்கின்றனா். எனது எதிா்ப்பாளா்களையும் ஆசிரியா்களாகவே கருதுகிறேன். நான் செல்லும் பாதை சரியானது என்பதை அவா்களின் நடத்தை, பொய்களே எனக்கு கற்பிக்கின்றன’ என்று ராகுல் தெரிவித்துள்ளாா்.

எஸ்.ராதா கிருஷ்ணனுக்கு புகழாரம்: காங்கிரஸ் தலைவா் மல்லிகாா்ஜுன காா்கே வெளியிட்ட எக்ஸ் வலைதள பதிவில், ‘ஆசிரியா்களே, தேசத்தின் உண்மையான கட்டமைப்பாளா்கள். தலைசிறந்த தத்துவஞானி மற்றும் அரசியல் மேதையான முன்னாள் குடியரசுத் தலைவா் எஸ்.ராதா கிருஷ்ணனின் பங்களிப்பு, அா்ப்பணிப்பு, அறிவுக்கூா்மை ஆகியவை தலைமுறைகள் கடந்தும் மக்களுக்கு உத்வேகமளிக்கிறது’ என்று புகழாரம் சூட்டியுள்ளாா்.