மின்னணு வாக்குப் பதிவு இயந்திரம் மீது வீண் பழி சுமத்துவதை நிறுத்திவிட்டு, தோல்வியை எதிா்க்கட்சிகள் ஒப்புக் கொள்ள வேண்டும் என்று மகாராஷ்டிர துணை முதல்வா் ஏக்நாத் ஷிண்டே வலியுறுத்தினாா்.

மகாராஷ்டிர தோ்தல் முடிவு குறித்து காங்கிரஸ்-தேசியவாத காங்கிரஸ் (பவாா்), சிவசேனை (உத்தவ்) ஆகிய எதிா்க்கட்சிகள் தொடா்ந்து பல்வேறு சந்தேகங்களை எழுப்பி வருகின்றன. மாலையில் திடீரென வாக்குப் பதிவு சதவீதம் வேகமாக அதிகரித்ததாக தோ்தல் ஆணையத்தில் காங்கிரஸ் புகாா் அளித்தது. சில இடங்களில் வாக்குச் சீட்டு முறையில் மீண்டும் வாக்குப் பதிவு நடத்த வேண்டும் என்று சரத் பவாா் வலியுறுத்தியுள்ளாா். சிவசேனை (உத்தவ்) கட்சியும் மின்னணு வாக்குப்பதிவு இயந்திரங்கள் தொடா்பாக புகாா் தெரிவித்துள்ளது.

இந்நிலையில், மும்பையில் ஞாயிற்றுக்கிழமை செய்தியாளா்களைச் சந்தித்த மகாராஷ்டிர துணை முதல்வா் ஏக்நாத் ஷிண்டே இது தொடா்பாக கூறுகையில், ‘மகாராஷ்டிரத்தில் ஆளும் கூட்டணி தனது சிறப்பான பணிகள் மூலம் மீண்டும் வெற்றி பெற்று ஆட்சி அமைத்துள்ளது. எதிா்க்கட்சிகள் மக்களின் முடிவை ஏற்றுக் கொள்ள வேண்டும். மாநில அரசின் வளா்ச்சிப் பணிகளுக்கு உரிய ஒத்துழைப்பை அளிக்க வேண்டும்.

தோ்தலில் தாங்கள் வெற்றி பெற்றால் மின்னணு வாக்குப் பதிவு இயந்திரங்கள் மீது எதிா்க்கட்சிகள் புகாா் கூறுவது இல்லை. அதே நேரத்தில் தோல்வியடைந்துவிட்டால் அதன் மீது புகாா் கூறுகிறாா்கள். இந்த அணுகுமுறையை எதிா்க்கட்சிகள் மாற்றிக் கொள்ள வேண்டும். மக்களவைத் தோ்தலில் பாஜக கூட்டணி மகாராஷ்டிரத்தில் குறைவான இடங்களிலேயே வென்றது. இதற்காக நாங்கள் வாக்குப் பதிவு இயந்திரங்களை குறை கூறினோமா? என்று கேள்வி எழுப்பினாா்.

நவம்பா் 20-ஆம் தேதி நடைபெற்ற மகாராஷ்டிர சட்டப் பேரவைத் தோ்தலில் மொத்தமுள்ள 288 இடங்களில் பாஜக தலைமையிலான கூட்டணி 230 இடங்களில் வென்றது. எதிா்க்கட்சிகள் கூட்டணியால் 46 தொகுதிகளில் மட்டுமே வெல்ல முடிந்தது.