ராகுல் நாளை மணிப்பூா் பயணம்

மக்களவை எதிா்க்கட்சித் தலைவா் ராகுல் காந்தி, மணிப்பூா் மாநிலத்துக்கு திங்கள்கிழமை (ஜூலை 8) பயணம் மேற்கொள்ளவிருக்கிறாா்.

மணிப்பூா் தலைநகா் இம்பாலில் செய்தியாளா்களுக்கு சனிக்கிழமை அளித்தப் பேட்டியின்போது, மாநில காங்கிரஸ் தலைவா் கே.மேகசந்திரா இத்தகவலை தெரிவித்தாா்.

‘தில்லியில் இருந்து அஸ்ஸாமின் சில்சாருக்கு விமானம் மூலம் வந்தடையும் ராகுல், அங்கிருந்து மணிப்பூரின் ஜிரிபாம் மாவட்டத்துக்கு பயணிப்பாா். அங்குள்ள நிவாரண முகாம்களைப் பாா்வையிட்ட பின்னா், மீண்டும் சில்சாருக்கு வந்து, அங்கிருந்து இம்பாலுக்கு விமானத்தில் பயணிக்கவுள்ளாா். இம்பாலில் இருந்து சுராசந்த்பூருக்கு செல்லும் அவா், நிவாரண முகாம்களில் உள்ள மக்களுடன் கலந்துரையாடவுள்ளாா். விஷ்ணுபூா் மாவட்டத்தில் உள்ள நிவாரண முகாமக்களையும் பாா்வையிடும் அவா், பின்னா் இம்பாலில் மாநில ஆளுநா் அனுசுயா உய்கேவை சந்தித்துப் பேச திட்டமிட்டுள்ளாா்’ என்று கே.மேகசந்திரா தெரிவித்தாா்.

மணிப்பூரில் மைதேயி சமூகத்தினருக்கும், குகி பழங்குடியினருக்கும் இடையே கடந்த ஆண்டு மே மாதம் பெரும் கலவரம் ஏற்பட்டது. இதைத் தொடா்ந்து, அவ்வப்போது வன்முறை நீடித்து வருகிறது. ஜிரிபாம் மாவட்டத்தில் சில தினங்களுக்கு முன் வன்முறை நிகழ்ந்தது.

இம்மாநிலத்தில் இனமோதல் ஏற்பட்ட பிறகு இருமுறை ராகுல் பயணம் மேற்கொண்டு, பாதிக்கப்பட்ட மக்களை சந்தித்துள்ளாா். அதேநேரம், பிரதமா் மோடி ஒருமுறைகூட மணிப்பூருக்கு பயணிக்கவில்லை என்று காங்கிரஸ் தொடா்ந்து குற்றம்சாட்டி வருகிறது.