மக்களவை தேர்தலுக்கான வாக்கு எண்ணிக்கை தொடர்ந்துவரும் நிலையில் உத்தரப் பிரதேசம் மதுரா தொகுதியில் போட்டியிட்ட ஹேம மாலினி 2 லட்சம் வாக்குகள் வித்தியாசத்தில் முன்னிலை வகிக்கிறார்.

வாக்கு எண்ணிக்கை மையத்தில் செய்தியாளர்களை சந்தித்த நடிகையும் பாஜக வேட்பாளருமான ஹேம மாலினி வெற்றி பெறும் நம்பிக்கையை வெளிப்படுத்தியுள்ளார்.

தொகுதிக்கான இலக்கு குறித்து கேள்வி எழுப்பியபோது நிறைய விஷயங்கள் அவருக்கு தோன்றுவதாகவும் கல்வி அமைப்பு, போக்குவரத்து சிக்கல் ஆகியவற்றில் கவனம் செலுத்தவுள்ளதாகவும் ஹேம மாலினி தெரிவித்துள்ளார்.

தனக்கு வாக்களித்த மக்களுக்கு நன்றி தெரிவித்துள்ளார். மூன்றாவது முறையாக மதுரா தொகுதியில் வெற்றியை எதிர்நோக்கியுள்ளார் நடிகை ஹேம மாலினி.

நாளின் இறுதியில் மீண்டும் பாஜக வெற்றி பெற்று ஆட்சி அமைக்கும் என்பது உறுதி என அவர் குறிப்பிட்டுள்ளார்.