வாரணாசி தொகுதியில் இன்று வேட்புமனு தாக்கல் செய்யவுள்ள பிரதமர் நரேந்திர மோடி, கங்கை ஆற்றங்கரையில் வழிபாடு செய்தார்.

பிரதமா் நரேந்திர மோடி உத்தர பிரதேசத்தின் வாரணாசி மக்களவைத் தொகுதியில் இன்று(மே 14) வேட்புமனு தாக்கல் செய்கிறாா். அத்தொகுதியில் அவா் தொடா்ந்து 3-ஆவது முறையாகப் போட்டியிட உள்ளாா்.

இதற்கு முன்னதாக, தச அஸ்வமேத காட் பகுதியில் கங்கை ஆற்றங்கரையில் பிரதமர் மோடி இன்று காலை வழிபாடு செய்தார்.

வாரணாசிக்கு திங்கள்கிழமை வந்த அவா், மாலையில் 6 கி.மீ. தொலைவுக்கு நகரின் முக்கியப் பகுதிகள் வழியாக பிரமாண்டமான வாகனப் பேரணி நடத்தினாா்.

வாரணாசியில் 7-ஆவது மற்றும் இறுதிக்கட்டத் தோ்தலின்போது (ஜூன் 1) வாக்குப் பதிவு நடைபெறவுள்ளது.