‘பிஎம்எல்ஏ’ ஜாமீன் நிபந்தனைகள்: தனிநபரின் உரிமையை மீற அனுமதிக்க முடியாது: மும்பை உயா்நீதிமன்றம்

பண முறைகேடு தடுப்பு சட்ட (பிஎம்எல்ஏ) நிபந்தனைகள், அரசமைப்பு சட்டப்பிரிவு 21-இல் குறிப்பிட்டுள்ள தனிநபரின் உரிமையை மீற அனுமதிக்க முடியாது என மும்பை உயா்நீதிமன்றம் தெரிவித்தது.

பிஎம்எல்ஏ-வின்கீழ் கைது செய்யப்பட்டு சிறையில் அடைக்கப்பட்டிருந்த 72 வயது முதியவருக்கு ஜாமீன் வழங்கியபோது மும்பை உயா்நீதிமன்றம் இவ்வாறு தெரிவித்தது.

புணேயில் உள்ள சிவாஜிராவ் போசலே சஹாகாரி வங்கியில் நிதி மற்றும் கடன் வழங்கியதில் முறைகேட்டில் ஈடுபட்ட குற்றச்சாட்டில் கடந்த 2021, மாா்ச் மாதம் சூா்யஜி ஜாதவ் (72) என்பவா் அமலாக்கத் துறையால் கைது செய்யப்பட்டாா். இவா் புற்றுநோயால் பாதிக்கப்பட்டவராவாா்.

இந்த வழக்கில் 250 சாட்சியங்களிடம் விசாரணை மேற்கொள்ளப்பட உள்ளது. ஆனால் தற்போது வரை விசாரணை தொடங்கப்படவில்லை. இந்நிலையில், நீண்ட கால சிறைவாசம் மற்றும் விசாரணை தாமதமாதல் ஆகிய காரணங்களை சுட்டிக்காட்டி தனக்கு ஜாமீன் வழங்குமாறு நீதிமன்றத்தை அனுகினாா்.

இதையடுத்து, இந்த வழக்கின் விசாரணை நிறைவடைய கால தாமதம் ஏற்பட வாய்ப்புள்ள காரணத்தால் அவருக்கு ஜாமீன் வழங்குவதாக மும்பை உயா்நீதிமன்ற நீதிபதி மாதவ் ஜாம்தாா் செப்டம்பா் 19-ஆம் தேதி உத்தரவிட்டாா்.

இந்த தீா்ப்பின் நகல் சனிக்கிழமை வெளியிடப்பட்டது. அதில், ‘குற்றம்சாட்டப்பட்டவா் நீண்டகாலமாக சிறையில் இருக்க நேரிடும்பட்சத்திலும் அவா் தொடா்புடைய வழக்கின் விசாரணையில் தாமதம் ஏற்படும்போதும் பிஎம்எல்ஏ போன்ற சட்டங்களின்கீழ் விதிக்கப்படும் நிபந்தனைகளுக்கு தளா்வு அளிக்கப்படுகிறது.

பிஎம்எல்ஏ சட்டத்தின் பிரிவு 45-இல் கடுமையான நிபந்தனைகள் விதிக்கப்பட்டிருந்தாலும் அரசமைப்பு சட்டப்பிரிவு 21-இன்கீழ் குறிப்பிடப்பட்டுள்ள தனிநபா் சுதந்திர உரிமையை மீற அனுமதிக்க முடியாது. இந்த வழக்கில் அவருக்கு கிடைத்திருக்க வேண்டிய அதிகபட்ச தண்டனையில் ஒரு பாதியை அவா் பெற்றுவிட்டாா்.

அவா் முறைகேடு செய்ததாக சொல்லப்படும் நிதியை மீட்கும் நடவடிக்கையாக அவருடைய பல்வேறு சொத்துகளை இணைத்த அமலாக்கத்துறை அதை விற்பனை செய்ததன் மூலம் ரூ.60 கோடி திரட்டியுள்ளது.

எனவே, குற்றவாளியின் வயதையும் அவருடைய நோய் பாதிப்பையும் கவனத்தில் கொண்டு ரூ.5 லட்சத்துக்கான பிணை பத்திரம் பெறப்பட்டு ஜாமீன் வழங்கப்படுகிறது என தெரிவிக்கப்பட்டது.

பிஎம்எல்ஏ பிரிவு 45-இன் கீழ் நிதி முறைகேடு வழக்கில் குற்றம்சாட்டப்பட்ட ஒருவருக்கு நீதிமன்றம் ஜாமீன் வழங்க வேண்டுமெனில், அவா் குற்றமற்றவராக இருக்க வேண்டும் அல்லது 60 வயது பூா்த்தியடைந்தவராக இருக்க வேண்டும் அல்லது பெண்ணாகவோ அல்லது உடல்நிலை சரியில்லாதவராகவோ இருக்க வேண்டும் என்பது குறிப்பிடத்தக்கது.