காங்கிரஸ் நாடாளுமன்றக் குழுத் தலைவர் சோனியா காந்தி மருத்துவமனையில் இருந்து வெள்ளிக்கிழமை காலை வீடு திரும்பினார்.

சோனியா காந்திக்கு உடல்நலக் குறைவு ஏற்பட்டதால் சர் கங்கா ராம் மருத்துவமனையில் வியாழக்கிழமை(பிப். 20) காலை அனுமதிக்கப்பட்டார்.

இதையும் படிக்க : ஆசியாவின் ஆழமான கிணற்றை 580 நாள்களில் தோண்டிய சீனா!

வயிறு சம்பந்தப்பட்ட பிரச்னையின் காரணமாக அனுமதிக்கப்பட்ட சோனியா காந்தியின் உடல்நிலை சீராக இருப்பதாகவும், அவரின் உடல்நிலையை மருத்துவர்கள் கண்காணித்து வருவதாகவும் மருத்துவமனை தரப்பில் வியாழக்கிழமை தெரிவிக்கப்பட்டது.

இந்த நிலையில், சர் கங்கா ராம் மருத்துவமனையில் இருந்து இன்று காலை டிஸ்சார்ஜ் செய்யப்பட்ட சோனியா காந்தி, வீடு திரும்பியதாக தெரிவிக்கப்பட்டுள்ளது.