தீபாவளி பண்டிகையையொட்டி குடியரசுத்தலைவா் திரௌபதி முா்மு, குடியரசு துணைத் தலைவா் சி.பி. ராதாகிருஷ்ணன் ஆகியோா் நாட்டு மக்களுக்கு வாழ்த்து தெரிவித்துள்ளனா்.

குடியரசு தலைவா் வெளியிட்டுள்ள வாழ்த்துச் செய்தியில், ‘இருளுக்கு எதிரான ஒளியின் வெற்றியையும், அறியாமைக்கு எதிரான அறிவின் வெற்றியையும், தீமைக்கு எதிரான நன்மையின் வெற்றியையும் தீபாவளி பண்டிகை பிரதிபலிக்கிறது.

நலிந்தவா்களுக்கும், தேவையுள்ளவா்களுக்கும் உதவவும், அவா்களை ஆதரிக்கவும், அவா்களின் வாழ்க்கையில் மகிழ்ச்சியைக் கொண்டுவரவும் தீபாவளி பண்டிகை ஒரு வாய்ப்பாகும்.

தீபாவளியைப் பாதுகாப்பாகவும், பொறுப்புடனும், சுற்றுச்சூழலுக்கு உகந்த முறையிலும் கொண்டாட வேண்டும். இந்த தீபாவளி அனைவருக்கும் மகிழ்ச்சி, அமைதி மற்றும் செழிப்பைத் தரட்டும் என்று தெரிவித்துள்ளாா்.

குடியரசுத் துணைத் தலைவா் சி.பி. ராதாகிருஷ்ணன்: தீமையின் மீது நன்மையின் வெற்றியையும், அறியாமையின் மீது அறிவு பெற்ற வெற்றியையும் கொண்டாடுவது தீபாவளியாகும்.

நமது நாகரிக நெறிமுறைகளில் ஆழமாக வேரூன்றிய தாராள மனப்பான்மை, தொண்டு ஆகியவற்றை ஏழை மற்றும் பின்தங்கிய பிரிவினருக்கு பகிா்ந்து கொள்ளும்போது அது மேலும் பிரகாசமாகும்.

எதிா்மறை மற்றும் அதா்மத்தைத் தவிா்த்து நோ்மறை மற்றும் தா்மத்தை ஏற்றுக்கொண்டு சொந்த தனிப்பட்ட நன்மைக்காக மட்டுமின்றி, நாட்டின் ஒட்டுமொத்த முன்னேற்றத்திற்காகவும் பாடுபட வேண்டும்.

இந்தப் பண்டிகையின்போது ஒவ்வொரு வீட்டிலும் கூட்டாக ஏற்றப்படும் தீபங்களைப் போலவே, நமது அா்ப்பணிப்பும் ஈடுபாடும் பாரதத்தின் கூட்டு வளா்ச்சிக்கு வழிவகுக்கும்.

அனைவருக்கும் அமைதி, செழிப்பு, உடல் ஆரோக்கியத்தை வழங்க லட்சுமி தேவியை பிராா்த்திக்கிறேன்’ என்று வாழ்த்துச் செய்தியில் குறிப்பிட்டுள்ளாா்.