விருதுநகர் மாவட்டம், ஸ்ரீவில்லிபுத்தூரில் வியாழக்கிழமை ஹெல்மட் அணிந்து மோட்டார் சைக்கிளில் வந்த நபர் மூதாட்டி அணிந்திருந்த 3 பவுன் தங்க செயினை பறித்துச் சென்றார். போலீஸார் தப்பி ஓடிய நபரை தேடி வருகிறார்கள்.

ஸ்ரீவில்லிபுத்தூர், ஊரணிபட்டி தெருவைச் சேர்ந்தவர் நாராயணன். இவரது மனைவி நாச்சியார் (70). இவர் வியாழக்கிழமை காலை ஸ்ரீவில்லிபுத்தூர்-சிவகாசி சாலையில் கைகாட்டி கோயில் அருகே நடந்து சென்று கொண்டிருந்துள்ளார். அப்போது மோட்டார் சைக்கிளில் ஹெல்மட் அணிந்து வந்த நபர் நாச்சியாரை ஒட்டி மோட்டார் சைக்கிளில் வந்து, அவர் அணிந்திருந்த 3 பவுன் தங்க செயினை பறித்துக் கொண்டு மோட்டார் சைக்கிளில் தப்பி ஓடிவிட்டார்.

இது குறித்து நாச்சியார், ஸ்ரீவில்லிபுத்தூர் நகர் காவல் நிலையத்தில் கொடுத்த புகாரின் பேரில் போலீஸ் இன்ஸ்பெக்டர் ஏ.மகேந்திரபாண்டியன் வழக்குப் பதிவு செய்து தப்பி ஓடிய நபரை தேடி வருகின்றார்.