பிஎஸ்என்எல் ஊழியர் சங்கத்தினர் தர்ணா போராட்டம்

பிஎஸ்என்எல் ஊழியர் சங்கத்தினர் ஊதிய தேக்க நிலை, ஊதியக்குறைப்பு நிவர்த்தி செய்ய வலியுறுத்துவது உள்ளிட்ட 27 கோரிக்கைகளை வலியுறுத்தி சிதம்பரம் வண்டிகேட் பிஎஸ்என்எல் அலுவலகம் முன்பு இன்று காலை 10 மணி முதல் மதியம் 2 மணி வரை தர்ணா போராட்டத்தில் ஈடுபட்டனர்.

போராட்டத்திற்கு மாவட்டத் தலைவர் வி.குமார் தலைமை வகித்தார். மாவட்டச் செயலாளர் கே.டி.சம்பந்தம் முன்னிலை வகித்தார். மாவட்ட துணைச் செயலாளர் ஐ.எம்.காசிநாதன் தொடக்கவுரையாற்றினார். ஏ.ராஜசேகரன், ரகோத்தமன், கலியமூர்த்தி உள்ளிட்ட 50-க்கும் மேற்பட்டோர் தர்ணா போராட்டத்தில் பங்கேற்றனர். கிளைச் செயலாளர் பி.சிதம்பரநாதன் நன்றி கூறினார்.