மதுரையில் இருந்து ராமேஸ்வரம் பகுதிக்கு ஐயப்ப பக்தர்கள் சென்ற வேனும் லாரியும் மானாமதுரை அருகே உள்ள ராஜகம்பீரம் பகுதியில்  நேருக்கு நேர் மோதி விபத்துக்கு உள்ளாயின. இதில் 10க்கும் மேற்பட்டவர்கள் காயம் அடைந்தனர். வேன் ஓட்டுநர் பலத்த காயமடைந்து உயிரிழந்தார். காயம் அடைந்தவர்கள் மதுரை அரசு மருத்துவமனைக்கு அனுப்பி வைக்கப்பட்டனர். இதனால், மதுரை - ராமநாதபுரம் சாலையில் போக்குவரத்து பாதிக்கப்பட்டது.