மதுரையில் உள்ள தனது இல்லத்தில் கேக் வெட்டி தனது பிறந்த நாளைக் கொண்டாடினார் மு.க.அழகிரி.

திமுக.,வில் இருந்து தாற்காலிகமாக நீக்கப்பட்ட மு.க.அழகிரியின் பிறந்த நாள் விழா குறித்து இந்த முறை அதிக எதிர்பார்ப்பு இருந்தது. அதன்படி, நேற்று இரவே அழகிரிக்கு பிறந்த நாள் வாழ்த்து சொல்ல அதிகம் பேர் திரண்டனர். இன்று காலை தனது இல்லத்தில் கூடியிருந்த ஆயிரக்கணக்கான தொண்டர்களின் முன்னிலையில், கேக் வெட்டி தனது பிறந்த நாளைக் கொண்டாடினார் மு.க.அழகிரி. இதனை முன்னிட்டு, அவரது வீட்டில் சிறப்பு பூஜைகளும் அதிகாலை முதலே நடைபெற்றன.