தில்லி: தில்லி பல்கலைக்கழகத்தில் இளங்கலை படிப்புக்கான முதல் கட்-ஆப் பட்டியல் வெளியிடப்பட்டுள்ளது.

மாணவர்கள் கட்-ஆப் மதிப்பெண்களை ஆன்லைன் வழியாக பார்த்துகொள்ளலாம். தகுதியுள்ள மாணவர்கள் பல்கலைக்கழக இணையதளத்தின் வழியாக தங்களுக்கு பிடித்த கல்லூரி மற்றும் பாடப்பிரிவினை தேர்வு செய்யலாம்.

தேர்வு செய்த கல்லூரியின் விண்ணப்ப படிவம் முழுவதும் நகல் எடுத்து அதனுடன், சுய நகலை (Self-attested)  படிவத்துடன் இணைத்து கல்லூரிக்கு அனுப்ப வேண்டும்.

இந்தாண்டு, மொத்தம் 2,50,914 விண்ணப்பங்கள் பெறப்பட்டுள்ளன. 63 கல்லூரிகளுக்கு 54 ஆயிரம் இடங்கள் நிரப்பப்பட உள்ளன. 1,30,354 மாணவர்களும், 1,20,545 மாணவிகளும், 15 பேர் இதர பிரிவைச் சேர்ந்தவர்கள். இந்தாண்டு 1187 விண்ணப்பங்கள் மாற்றுத்திறனாளி மாணவர்களுக்கு ஒதுக்கப்பட்டுள்ளது. முதல் முறையாக இந்தாண்டு விளையாட்டு பிரிவினருக்கும், இசிஏ கோடாவுக்கும் ஒதுக்கப்பட்டுள்ளது.

கூடுதல் தகவல் அறிய பல்கலைக்கழக இணையதளத்தை பார்க்கலாம்.