ஒடிசாவின் பள்ளிக் கல்வித்துறை அமைச்சர் சமீர் ரஞ்சன் தாஸிற்கு திங்கள்கிழமை கரோனா தொற்று இருப்பது உறுதி செய்யப்பட்டது.

இதுகுறித்து சுட்டுரை வெளியிட்ட சமீர், நானும் எனது மனைவியும் கரோனா தொற்றால் பாதிக்கப்பட்டுள்ளோம். இருப்பினும், எங்களுக்கு எந்த அறிகுறியும் இல்லை. மேலும் கடந்த 7 நாள்களாக எங்களுடன் தொடர்பில் இருந்தவர்கள் சோதனை செய்து கொள்ளுமாறு கூறினார்.

இதுவரை, ஒடிசாவில் அமைச்சர்கள் 7 பேர், எம்.எல்.ஏ.க்கள் 22 பேர் மற்றும் எம்.பி.கள் 3 பேர் கரோனா தொற்றால் பாதிக்கப்பட்டது குறிப்பிடத்தக்கது.