சமையல் எரிவாயு சிலிண்டர் விலை ரூ.105 உயர்வு

வர்த்தகப் பயன்பாட்டுக்கான சமையல் எரிவாயு சிலிண்டர் (கியாஸ் சிலிண்டர்) விலையை மத்திய எண்ணெய் நிறுவனங்கள் மாதம்தோறும் நிர்ணயித்து வருகின்றன.

சர்வதேச சந்தையில் கச்சா எண்ணெய் விலையின் அடிப்படையில் கியாஸ் சிலிண்டர் விலை நிர்ணயம் செய்யப்படுகிறது. ஒவ்வொரு மாதமும் 1-ம் தேதி எண்ணெய் நிறுவனங்கள் புதிய விலையை நிர்ணயித்து அறிவிக்கின்றன.

19 கிலோ   எடையுள்ள வர்த்தகப் பயன்பாட்டுக்கான   சிலிண்டரின் விலை தில்லியில் ரூ.105 ஆகவும், கொல்கத்தாவில் ரூ.108 ஆகவும் அதிகரித்துள்ளது. 5 கிலோ எடையுள்ள வர்த்தகப் பயன்பாட்டுக்கான சிலிண்டரின் விலையும் ரூ.27 உயர்ந்துள்ளது.

புதிய கட்டணங்கள் இன்று முதல் அமலுக்கு வருகின்றன.