பஞ்சாப் சட்டப்பேரவைத் தேர்தலில் காங்கிரஸ் கட்சியின் முதல்வர் வேட்பாளர் யார் என்பது குறித்து அக்கட்சியின் எம்பியும், முன்னாள் தலைவருமான ராகுல்காந்தி கருத்து தெரிவித்துள்ளார்.

பஞ்சாப் சட்டப்பேரவைத் தேர்தல் பிப்ரவரி 20ஆம் தேதி நடைபெறுவதாக அறிவிக்கப்பட்டதைத் தொடர்ந்து பல்வேறு அரசியல் கட்சிகளும் தேர்தல் பணிகளில் தீவிரமாக ஈடுபட்டு வருகின்றன. 

இதையும் படிக்க | மாணவி தற்கொலையில் மதப்பரப்புரை புகார் இல்லை - பள்ளிக்கல்வித்துறை

காங்கிரஸ், பாஜக-அமரீந்தர் சிங் கூட்டணி, ஆம் ஆத்மி, சிரோமணி அகாலிதளம் உள்ளிட்ட கட்சிகள் போட்டியிடுவதால் பல முனைப் போட்டி நிலவி வருகிறது.

இந்நிலையில் காங்கிரஸ் கட்சிக்குள் பூசல் இல்லை எனவும், காங்கிரஸ் முதல்வரை கட்சியினர் தேர்ந்தெடுப்பர் எனவும் அக்கட்சியின் முன்னாள் தலைவரும், மக்களவை உறுப்பினருமான ராகுல்காந்தி தெரிவித்துள்ளார்.

இதையும் படிக்க | தமிழ்த்தாய் வாழ்த்து சர்ச்சை: விளக்கமளித்த ரிசர்வ் வங்கி

வியாழக்கிழமை பஞ்சாப் மாநிலம் ஜலந்தரில் நடைபெற்ற தேர்தல் பிரசாரக் கூட்டத்தில் பேசிய ராகுல்காந்தி, “பஞ்சாப் முதல்வர் சரண்ஜித் சிங் சன்னி மற்றும் மாநில காங்கிரஸ் தலைவர் நவ்ஜோத் சிங் சித்து ஆகியோர் பஞ்சாப் முதல்வராக யார் செயல்பட்டாலும் மற்றவர் அவருக்கு ஆதரவளிப்பார் என்று எனக்கு உறுதியளித்துள்ளனர். காங்கிரஸ் முதல்வர் வேட்பாளரை கட்சியினர் முடிவு செய்வார்கள். இதுதொடர்பாக எங்களுக்குள் எந்த சண்டையும் இல்லை எனத் தெரிவித்தார்.