வங்கதேசத்தின் இடைக்கால அரசின் தலைவராக யூனுஸ் பொறுப்பேற்பு: அமெரிக்கா வரவேற்பு

வாஷிங்டன்: முன்னாள் பிரதமர் ஷேக் ஹசீனா திடீரென ராஜிநாமா செய்த பின்னர், வங்கதேசத்தில் இடைக்கால அரசாங்கத்தை வழிநடத்த நோபல் பரிசு பெற்ற முகமது யூனுஸ் பொறுப்பேற்றுள்ளதை அமெரிக்க வெளியுறவு அமைச்சர் ஆண்டனி பிளிங்கன் சனிக்கிழமை வரவேற்றுள்ளார்.

கடந்த 1971-ஆம் ஆண்டில் இந்தியாவின் உதவியுடன் போரிட்டு வங்கதேசத்துக்கு பாகிஸ்தானிடமிருந்து சுதந்திரம் வாங்கித் தந்தவா்களின் வாரிசுகளுக்கு அரசுப் பணிகளில் 30 சதவீத இடஒதுக்கீடு அளிக்கப்பட்டுவந்தது. அதனை நீக்குவது, ஒட்டுமொத்த இடஒதுக்கீட்டு வரம்பை 5 சதவீதமாக்குவது உள்ளிட்ட சீா்திருத்தங்களை வலியுறுத்தி கடந்த மாதம் மாணவா்கள் போராட்டத்தில் ஈடுபட்டனா்.

அவா்களுக்கு எதிராக இடஒதுக்கீட்டுக்கு ஆதரவான மாணவா் அமைப்பினரும் களமிறங்கியதையடுத்து வன்முறை வெடித்து சுமாா் 400 போ் உயிரிழந்தனா். அதையடுத்து, ஒட்டுமொத்த இடஒதுக்கீட்டு வரம்பை 7 சதவீதமாக உச்சநீதிமன்றம் குறைத்தது.

இருந்தாலும், போராட்டத்தின்போது அடக்குமுறையைக் கையாண்டு நூற்றுக்கணக்கான உயிரிழப்புகளுக்குக் காரணமாக இருந்த பிரதமா் ஷேக் ஹசீனா பதவி விலக வேண்டும் என்று வலியுறுத்தி மாணவா்கள் மீண்டும் போராட்டத்தில் ஈடுபட்டனா். அந்தப் போராட்டத்தின் இடையே சமூக விரோதிகள், மத அடிப்படைவாதிகள் உள்ளிட்டோா் நடத்திய வன்முறைச் சம்பவங்களில் மேலும் நூற்றுக்கணக்கானவா்கள் உயிரிழந்தனா்.

பிரதமா் ஷேக் ஹசீனா ராஜிநாமா செய்ய வலியுறுத்தி அவரின் அதிகாரபூா்வ இல்லத்தை நோக்கி மாணவா்கள் திங்கள்கிழமை ஊா்வலமாகச் சென்றனா். நிலைமை கைமீறிச் செல்வதை உணா்ந்த ஷேக் ஹசீனா பதவியை ராஜிநாமா செய்துவிட்டு பாதுகாப்புக்காக நாட்டைவிட்டு வெளியேறி இந்தியாவில் தஞ்சமடைந்தாா்.

இதையடுத்து நிா்வாகத்தைக் கைப்பற்றிய ராணுவம், அடுத்த தோ்தல் நடத்தப்படும்வரை இடைக்கால அரசை அமைப்பதாக அறிவித்தது. அந்த அரசுக்கு அனைத்து தரப்பினராலும் ஏற்றுக்கொள்ளப்படும் முகமது யூனுஸ் தலைமை வகிக்க வேண்டும் என்று போராட்டத்தில் ஈடுபட்ட மாணவா் அமைப்பினா் வலியுறுத்தினா். இதையடுத்து அவரை இடைக்கால அரசின் தலைவராக அதிபா் முகமது ஷஹாபுதீன் நியமித்தாா்.

இதனைத்தொடர்ந்து நோபல் பரிசு பெற்றவரும் மக்கள் செல்வாக்கு பெற்றவருமான முகமது யூனுஸ் வங்கதேசத்தில் அமைக்கப்பட்டுள்ள இடைக்கால அரசின் தலைவராக நோபல் பரிசு பெற்ற முகமது யூனுஸ் (84) வியாழக்கிழமை பொறுப்பேற்றாா்.

டாக்காவிலுள்ள அதிபா் மாளிகையில் நடைபெற்ற பதவியேற்பு நிகழ்ச்சியில் முகமது யூனுஸுக்கு அதிபா் முகமது ஷஹாபுதீன் பதவிப் பிரமாணம் செய்துவைத்தாா்.

இந்த நிலையில், முன்னாள் பிரதமர் ஷேக் ஹசீனா திடீரென ராஜிநாமா செய்த பின்னர், வங்கதேசத்தில் இடைக்கால அரசாங்கத்தை வழிநடத்த நோபல் பரிசு பெற்ற முகமது யூனுஸ் பொறுப்பேற்றுள்ளதை அமெரிக்க வெளியுறவு அமைச்சர் ஆண்டனி பிளிங்கன் சனிக்கிழமை வரவேற்றுள்ளார்.

அமைதி மற்றும் அமைதிக்கான அவரது அழைப்பை அமெரிக்கா ஆதரிக்கிறது மற்றும் வங்கதேசத்தில் உள்ள மக்களுக்கான ஜனநாயகம் மற்றும் வளமான எதிர்காலத்தைத் தொடரும் போது அதனுடன் இணைந்து பணியாற்றுவதற்கு அமெரிக்கா உறுதிபூண்டுள்ளது. வங்கதேசத்தின் இடைக்கால அரசாங்கத்தை முஹம்மது யூனுஸ் சிறப்பாக வழிநடத்துவார் என்று அவர் கூறியுள்ளார்.

இதற்கிடையில், மாணவர் எதிர்ப்பாளர்களுக்கு எதிரான வன்முறைக்கு காரணமான முன்னாள் அரசாங்கத்தின் அதிகாரிகளுக்கு எதிராக பொருளாதாரத் தடைகள் விதிக்குமாறு கருவூல செயலாளர் ஜேனட் யெல்லனுக்கு கடிதம் எழுதியுள்ளனர்.

தற்போது வங்கதேசத்தின் இடைக்கால அரசாங்கத்தை வழிநடத்தும் முஹம்மது யூனுஸ், வங்கதேசத்தில் எதிர்ப்பாளர்களுக்கு எதிரான வன்முறையை முடிவுக்குக் கொண்டுவர உலகத் தலைவர்களுக்கு அவசரமாக அழைப்பு விடுத்துள்ளார்.

முன்னதாக வெள்ளிக்கிழமை, வங்கதேசத்தில் இருந்து இந்தியாவுக்கு வந்த மக்கள், சிறுபான்மையினரின் பாதுகாப்பு குறித்த கவலைகள் நீடித்தாலும், இடைக்கால அரசாங்கம் நாட்டில் அமைதி மற்றும் வளமான எதிர்காலத்துக்கு திட்டமிட்டு செயல்படும் என நம்பிக்கை தெரிவித்தனர்.

வங்கதேசத்தின் நில்பமாரியில் இருந்து ஜல்பைகுரியில் உள்ள ஃபுல்பாரி வந்த ஷாஜியா சுல்தானா, "வங்கதேசத்தில் இடைக்கால அரசு அமைந்துள்ளதால் அங்கு நிலைமை மேம்படும்" என்று தான் நம்புவதாகக் கூறினார்.

வெள்ளிக்கிழமை, சுமார் 1,000 பேர் மேற்கு வங்களத்தின் கூச்பெஹார் மாவட்டத்தில் உள்ள இந்தியா-வங்கதேச எல்லையில் அடைக்கலம் தேடி வந்தனர்.