பாஜக மூத்த தலைவரும், முன்னாள் துணைப் பிரதமருமான எல்.கே. அத்வானி அப்போலோ மருத்துவமனையில் இருந்து இன்று(ஜூலை 4) வீடு திரும்பினார்.

எய்ம்ஸ் மருத்துவமனையில் சிகிச்சை பெற்று வந்த எல்.கே. அத்வானி(96), கடந்த ஜூன் 27-ஆம் தேதி வீடு திரும்பினார். இந்நிலையில் புதன்கிழமை இரவு 9 மணியளவில், அவர் அப்போலோ தனியாா் மருத்துவமனையில் மீண்டும் அனுமதிக்கப்பட்டார்.

அத்வானியின் உடல்நிலை சீராக உள்ளதாகவும் மூத்த நரம்பியல் மருத்துவா் வினித் சூரியின் மருத்துவக் கண்காணிப்பில் அவர் சிகிச்சை பெற்று வருவதாகவும் மருத்துவமனை வட்டாரங்கள் தகவல் தெரிவித்தன.

உரிய சிகிச்சைகள் அத்வானிக்கு அளிக்கப்பட்ட பிறகு, அவரது உடல்நிலை சீரான நிலையில், இன்று(ஜூலை 4) மாலை 5 மணிக்கு அப்போலோ மருவத்துவனையில் இருந்து வீடு திரும்பினார்.