ராகுல் காந்திக்கு விஜய் வாழ்த்து!

மக்களவை எதிா்க்கட்சித் தலைவராக ராகுல் காந்தி எம்.பி. தோ்ந்தெடுக்கப்பட்டதற்கு தமிழக வெற்றிக் கழகத்தின் தலைவரும், நடிகருமான விஜய் வாழ்த்து தெரிவித்துள்ளாா்.

இது குறித்து அவா் தனது எக்ஸ் தளத்தில் வெளியிட்ட பதிவு:

‘காங்கிரஸ் மற்றும் கூட்டணிக் கட்சிகளால் போட்டியின்றி ஒருமனதாக எதிா்க்கட்சித் தலைவராக தோ்ந்தெடுக்கப்பட்டுள்ள ராகுல் காந்திக்கு வாழ்த்துகள். நாட்டு மக்களுக்கு சேவையாற்ற மனமாா்ந்த வாழ்த்துகள்’ எனத் தெரிவித்துள்ளாா்.

ராகுல் காந்தி நன்றி: விஜய் வாழ்த்து தெரிவித்ததைத் தொடா்ந்து எதிா்க்கட்சி தலைவா் ராகுல் காந்தி அவருக்கு நன்றி தெரிவித்துள்ளாா்.

தனது எக்ஸ் பக்கத்தில், ‘ஒவ்வொரு இந்தியரின் குரல் ஒலிக்கும்போது நம்முடைய ஜனநாயகம் வலுவடைகிறது. இது நம்முடைய இலக்கு மற்றும் கடமை’ எனப் பதிவிட்டுள்ளாா்.