ஜி.வி. பிரகாஷ் குமார் நடிப்பில் உருவாகிவரும் கிங்ஸ்டன் படத்தின் முதல் தோற்றப் போஸ்டர் வெளியாகியுள்ளது.

ஜி.வி.பிரகாஷ் குமாரின் பேரலல் யூனிவர்ஸ் பிக்சர்ஸ் மற்றும் ஜீ ஸ்டூடியோஸ் இணைந்து தயாரிக்கும் ஜிவி - 25 படத்தை கமல் பிரகாஷ் எழுதி, இயக்குகிறார். இப்படத்துக்கு கிங்ஸ்டன் எனப் பெயரிடப்பட்டுள்ளது.

பேச்சிலர் திரைப்படத்தில் நடித்த திவ்யபாரதி, கிங்ஸ்டன் படத்திலும் நாயகியாக நடிக்கிறார். ஜி.வி.பிரகாஷ் குமாரே இப்படத்துக்கு இசையமைக்கிறார்.

இதையும் படிக்க: ஒரே நாளில் வெளியாகும் குட் பேட் அக்லி, இட்லி கடை!

கடலை மையமாக வைத்து இப்படம் எடுக்கப்பட்டு வருகிறது. மேலும், கடலில் உள்ள மர்மத்தை கண்டறியும் மீனவரின் கதையாக எடுக்கப்படுகிறது. மீனவராக ஜி.வி.பிரகாஷ் நடிக்கிறார்.

இந்த நிலையில், கிங்ஸ்டன் படத்தின் முதல் தோற்றப் போஸ்டர் இணையத்தில் வெளியாகியுள்ளது. இப்படத்தின் டீசர் ஜன. 9 ஆம் தேதி வெளியாகும் என்று அதிகாரப்பூர்வமாக அறிவிக்கப்பட்டுள்ளது.