ஸ்மார்ட்டாக நீங்கள் இருக்க வேண்டும் எனில் ஸ்மார்ட்ஃபோன் பயன்படுத்துங்கள் என்று சொல்லும் அளவுக்கு மொபைல் ஃபோன்களின் தேவையும் ஆதிக்கமும் நம் வாழ்க்கையில் அதிகரித்து விட்டது. விதவிதமான ப்ராண்டுகள், நம்முடைய பட்ஜெட்டுக்கு ஏற்ற வகையில் தேர்ந்தெடுத்து வாங்கிக் கொள்ள முடிகிற வசதிகள் என இதுவரை இல்லாத டிஜிட்டல் புரட்சி நடைமுறையில் உள்ளது. பொதுவாக எல்லாருக்கும் பெரிய திரையுள்ள போன் தான் பிடிக்கும். ஆனால்  விலை அதிகம் என நினைத்து பலர் வாங்கத் தயங்குவார்கள். 

ப்ராண்டெட் என்பதைத் தாண்டி, வசதிகள் அதிகம் எதில் உள்ளதோ அதையே மக்கள் தேர்ந்தெடுக்கிறார்கள். மைக்ரோமேக்ஸ் தற்போது அத்தகைய சகல வசதிகளையும் உடைய ஒரு ஃபோனாக களம் இறங்கியுள்ளது. இந்த ஃபோனைப் பொருத்தவரையில் முன்பு அது ஹீட்டாகிறது, மேலும் பேட்டரி நீடித்து வருவதில்லை போன்ற பிரச்னைகள் இருந்தது என பயனாளர்கள் கருதுவார்கள். ஆனால் மைக்ரோமேக்ஸ் நிறுவனத்தின் 'கேன்வாஸ் 2 பிளஸ்'-ல் இதுபோன்ற பிரச்னைகள் எதுவுமில்லை. காரணம் இதில் 4000 mAH பேட்டரி வசதி உள்ளது என்பதால் சார்ஜ் பிரச்னைகள் இருப்பதில்லை. மேலும் இதில் வேறென்ன வசதிகள் உள்ளன என பார்க்கலாம்.

திரை  5.7 இன்ச் ஹெச்டி திரை- 18:9 ரெசல்யூஷன். 3 GB டிடிஆர்3 ரேம், 18:9 ஸ்கிரீன், 32 GB இன்டர்னல் ஸ்டோரேஜ் மற்றும் கேமரா - 8 எம்பி செல்ஃபி கேமராவுடன் வருகிறது. பின் பக்க கேமரா 13 எம்பியுடன் வருகிறது. மேலும் செல்ஃபி அல்லது போட்டோ எடுத்ததும் தேவைக்கு ஏற்றவாறு பில்டர்கள், வாட்டர் மார்க் செய்து கொள்ளும் வசதி இதிலுள்ளது. விடியோவைப் பொருத்தவரையில் டைம் லாப்ஸ் (Time lapse) வசதி உள்ளது. மேலும் ஒரு விஷயம் என்னவென்றால் இந்த ஃபோனில் ஃபிங்கர்ப்ரின்ட் அன்லாக் (Finger Print Unlock) மற்றும் பேஸ் அன்லாக் (Face Unlock) வசதி உள்ளது. இது புதிது இல்லை என்றாலும் குறைந்த விலைக்கு கிடைக்கும் சலுகை என்றே சொல்லலாம்.

இதன் இயங்குதளம் ஆண்ட்ராய்ட் 7.0 Nougat, பிராசஸர்  1.3GHz குவாட் கோர் பிராசஸர். இரண்டு கலர்களில் கிடைக்கிறது - மேட் பிளாக், ஜெட் பிளாக், விலை - ரூ.8,999/-