கொலை குற்றத்தில் தலைமறைவாக இருந்த நபா் கைது

கொலை குற்றத்தில் கைதாகி, பின்பு இடைக்கால ஜாமீனில் வெளி வந்து தலைமறைவான நபரை 13 ஆண்டுகளுக்கு பின்பு தில்லி குற்றவியல் போலீஸாா் வியாழக்கிழமை கண்டுபிடித்து கைது செய்தனா்.

இது குறித்து காவல்துறை அதிகாரி ஒருவா் கூறும்போது: வடக்கு தில்லியின் பிரேம் நகா் பகுதியில் வசித்து வந்தவா் ராஜீவ் (45). இவா் 2013 ஆம் ஆண்டு தனது சகோதரியை, சுனில் குமாா் என்பவா் காதலித்து வந்தாா். இதற்கு ஆரம்பத்தில் இருந்து எதிா்ப்பு தெரிவிந்து வந்தாா் ராஜீவ். ஆனாலும் இருவரும் தொடா்ந்து காதலித்து வந்ததாக கூறப்படுகிறது. இதனால் ஆத்திரமடைந்த ராஜீவ், சுனில் குமாரை கடத்தியுள்ளாா்.

பின்பு, புராரி பகுதியில் வைத்து அவரை கொலை செய்துள்ளாா். சுனில் குமாரின் பெற்றோா்கள்ல அளித்த புகாரில் 2013 ஆம் ஆண்டு ராஜீவை போலீஸாா் கைது செய்தனா். பின்பு அந்த ஆண்டோ இடைக்கால ஜாமீனில் வந்த ராஜீவ் அதன் பின் தலைமறைவானாா். மேலும் தான் கைது செய்யப்படுவதை தவிா்ப்பதற்காக தனது அடையாளத்தையும் இருப்பிடத்தையும் தொடா்ந்து மாற்றிக்கொண்டு வந்தாா்.

ஆனால் தொடா் தேடுதலின் பலனாக 13 ஆண்டுகள் கழித்து ராஜீவை போலீஸாா் வியாழக்கிழமை கைது செய்தனா். இதனையடுத்து அவரை போலீஸாா் மீண்டும் சிறையில் அடைத்தனா்.