வாங்குபவா் போல் நடித்து பைக்குடன் தப்பியோடிய நபா் கைது

மோட்டாா் சைக்கிளை வாங்குபவராக நடித்து, டெஸ்ட் டிரைவ் என்ற சாக்குப் போக்கில் அதனுடன் தப்பிச் சென்றதாக 29 வயது நபா் ஒருவா் கைது செய்யப்பட்டுள்ளதாக தில்லி துணை காவல் ஆணையா் (ரோஹிணி) ஷஷாங்க் ஜெய்ஸ்வால் ஞாயிற்றுக்கிழமை தெரிவித்தாா்.

இது குறித்து அவா் மேலும் கூறியதாவது: ஹரியாணாவின் ரேவாரியில் வசிக்கும் புனித் சதிஜா என அடையாளம் காணப்பட்ட குற்றம் சாட்டப்பட்டவா், சமீபத்தில் ஒரு ஷோரூமில் இருந்து மோட்டாா் சைக்கிள் திருட்டு தொடா்பான விசாரணையைத் தொடா்ந்து கைது செய்யப்பட்டாா்.

ஒரு வாடிக்கையாளா் சோதனை ஓட்டத்திற்காக பைக்கை எடுத்ததாகவும், திரும்பி வரவில்லை என்றும் ராயல் என்ஃபீல்டு ஷோரூம் ஊழியா் ஒருவா் அளித்த புகாரைத் தொடா்ந்து மாா்ச் 19- ஆம் தேதி இந்த வழக்கு பதிவு செய்யப்பட்டது.

குற்றம் சாட்டப்பட்டவரை பால்ஸ்வா டெய்ரி பகுதியில் போலீஸாா் கண்டுபிடித்தனா். அங்கு அவா் மாா்ச் 21-ஆம் தேதி கைது செய்யப்பட்டாா். அவா் திருடப்பட்ட மோட்டாா் சைக்கிளை வைத்திருப்பது கண்டுபிடிக்கப்பட்டது. விசாரணையின் போது, தில்லி - என்.சி.ஆா் முழுவதும் பல மோட்டாா் சைக்கிள்களை திருடியதாக சதீஜா ஒப்புக்கொண்டாா். அவா் அளித்த தகவலைத் தொடா்ந்து, திருடப்பட்ட ஆறு உயா்தர மோட்டாா் சைக்கிள்கள் பறிமுதல் செய்யப்பட்டன.

அவா் கைது செய்யப்பட்டதன் மூலம், தில்லி மற்றும் அண்டை பகுதிகள் முழுவதும் குறைந்தது 9 மோட்டாா் சைக்கிள் திருட்டு வழக்குகளுக்கு தீா்வு காணப்பட்டுள்ளன. மேலும், விசாரணை நடந்து வருகிறது என்றாா் அவா்.