நம்மிடையே உலவும் ஆவிகள்

நம்மிடையே உலவும் ஆவிகள்-விக்கிரவாண்டி வி.ரவிச்சந்திரன்; பக்.304; ரூ.250; மேகதூதன் பதிப்பகம், சென்னை-5; )044-4215 5831.

அமெரிக்க நாட்டைச் சேர்ந்த உலகப்புகழ்பெற்ற ஆவி மீடியமாகத் திகழ்ந்த ஜேம்ஸ் வான் பிராக் என்பவர் தனது குழந்தை பருவம் முதல் வளர்ந்த பருவம் வரை ஆவிகளுடன் தமக்கான தொடர்பு குறித்து ஒரு நூலில் விளக்கியுள்ளார். அதில் கூறப்பட்டுள்ளவற்றைத் தமிழில் மொழிபெயர்த்து தந்திருக்கிறார்கள்.

ஆவிகள் இருப்பது உண்மையே என்பதை பல எடுத்துக்காட்டுகளுடனும், உளவியல் பூர்வமாகவும் இந்ந நூலில் விளக்க முற்பட்டுள்ளார் ஆசிரியர். ஆவிகளின் செயல்பாடுகள், ஆவிகள் தங்குமிடம் என அவற்றின் ஒவ்வோர் அங்குலத்தையும் எடுத்துரைத்துள்ளார். தமது வாழ்க்கையில் ஆவிகளுடன் தொடர்புடைய 30-க்கும் மேற்பட்ட சம்பவங்களை வான் பிராக் விளக்கியுள்ளார்.

பயம் மட்டுமல்ல கவலை, கலக்கம், பதற்றம் ஆகியவையும் ஆவிகளுக்கு பிடித்தமான இடங்கள். இவற்றைக் கைவிட வேண்டுமென எச்சரிக்கிறார்.

ஆவிகள் என்றாலே அச்சுறுத்துபவை என்ற கருத்தை மறுத்துள்ள இவர், மனிதர்கள் ஆவிகளிடம் அகப்பட்டு விடாமல் தப்பித்துக் கொள்ளும் பாதுகாப்புப் பயிற்சி முறைகளையும் தனது நூலில் எடுத்துக்கூறியுள்ளது பாராட்டத்தக்கது.