வில்லிவாக்கம் பாலியம்மன் கோயில் தெருவில் பெருமாள் கோயில் குளத்தின் ஒரு பகுதி உள்ளது. இக்குளத்தின் பிரதான படிக்கட்டின் வழியே வில்லிவாக்கம் சுற்றுப்புறப் பகுதிகளில் சேகரிக்கப்படும் குப்பைகள் கலந்து குளம் மாசுபட்டுள்ளது. குளத்தின் படிக்கட்டு அருகே 10-க்கும் மேற்பட்ட குப்பை வண்டிகள் குப்பை சேகரித்து நிறுத்தப்படுகின்றன. அருகே வசிப்போரும் தினசரி சேரும் குப்பையை இந்த வண்டிகளில் கொட்டுகின்றனர். வண்டி நிறைந்தபின் கொட்டப்படும் குப்பை குளத்துக்குள் விழுகிறது. எனவே, 94-ஆவது வட்டத்தின் மாநகராட்சி செயற்பொறியாளர் இப்பகுதிக்கு நேரில் வந்து ஆய்வு செய்து குப்பை வண்டிகள் நிறுத்தப்படுவதை நிரந்தரமாகத் தடுக்கத் தகுந்த நடவடிக்கை எடுக்க வேண்டும்.

நித்திலா செல்வராஜ், வில்லிவாக்கம்.