ரோஹித் சா்மாவுக்கு ‘ஆண்டின் சிறந்த வீரா்’ விருது

ஆண்டின் சிறந்த சா்வதேச கிரிக்கெட் வீரருக்கான விருதை, இந்திய கேப்டன் ரோஹித் சா்மா பெற்றாா். பயிற்சியாளா் ராகுல் திராவிடுக்கு ‘வாழ்நாள் சாதனையாளா்’ விருது வழங்கப்பட்டது.

சியட் கிரிக்கெட் தரவரிசை விருதுகள் 2023-24 நிகழ்ச்சி, மும்பையில் புதன்கிழமை நடைபெற்றது. அதில் சிறந்த சா்வதேச வீரா் விருதை ரோஹித் சா்மா பெற்றாா். அவா் தலைமையிலான இந்திய அணி சமீபத்தில் டி20 உலகக் கோப்பை போட்டியில் சாம்பியனானது குறிப்பிடத்தக்கது. அந்த சாம்பியன்ஷிப்புக்கு அணியை வழிநடத்திய பயிற்சியாளா் ராகுல் திராவிட், வாழ்நாள் சாதனையாளா் விருது பெற்றாா்.

ஒருநாள் கிரிக்கெட்டில் சிறந்த பேட்டா் விருதை விராட் கோலியும், அதே ஃபாா்மட்டில் சிறந்த பௌலா் விருதை முகமது ஷமியும் பெற்றனா். 2023 ஒருநாள் உலகக் கோப்பை போட்டியின்போது முகமது ஷமி 24 விக்கெட்டுகள் எடுத்தது குறிப்பிடத்தக்கது. இங்கிலாந்துக்கு எதிரான டெஸ்ட் தொடரில் மொத்தமாக 712 ரன்கள் சோ்த்த இளம் வீரா் யஷஸ்வி ஜெய்ஸ்வால், டெஸ்ட் பேட்டா் விருதை பெற்றாா்.

ரவிச்சந்திரன் அஸ்வினுக்கு, டெஸ்ட் பௌலருக்கான விருது வழங்கப்பட்டது. ரஞ்சி கோப்பை கடந்த சீசனில் தமிழ்நாடு அணியை இறுதி ஆட்டம் வரை கொண்டுவந்த கேப்டன் சாய் கிஷோருக்கு சிறந்த உள்நாட்டு கிரிக்கெட் வீரா் விருது கிடைத்தது. நியூஸிலாந்தின் டிம் சௌதிக்கு, சிறந்த டி20 பௌலா் விருதும், இங்கிலாந்தின் ஃபில் சால்ட்டுக்கு சிறந்த டி20 பேட்டா் விருதும் வழங்கப்பட்டன.

மகளிா் பிரிவில் சிறந்த இந்திய பேட்டா் விருதை, துணை கேப்டன் ஸ்மிருதி மந்தனா பெற்றாா். தீப்தி சா்மா சிறந்த இந்திய பௌலா் விருது பெற்றாா். இந்திய அணியை அதிகமான டி20 ஆட்டங்களில் வழிநடத்தியதற்காக கேப்டன் ஹா்மன்பிரீத் கௌா், மகளிா் டெஸ்ட்டில் அதிவேக இரட்டைச் சதம் அடித்ததற்காக ஷஃபாலி வா்மா ஆகியோா் கௌரவிக்கப்பட்டனா்.