இந்திய அணியில் நீண்ட காலம் விளையாடுவது தொடர்பாக யஷஸ்வி ஜெய்ஸ்வாலுக்கு விராட் கோலி அறிவுரை வழங்கியுள்ளார்.

இந்தியா மற்றும் ஆஸ்திரேலிய அணிகளுக்கு இடையிலான பார்டர் - கவாஸ்கர் தொடர் நாளை (நவம்பர் 22) முதல் தொடங்கிறது. இரு அணிகளுக்கும் இடையிலான முதல் போட்டி பெர்த்தில் நடைபெறுகிறது.

மிக முக்கியமான டெஸ்ட் தொடர் என்பதால் இரு அணிகளும் தீவிர பயிற்சியில் ஈடுபட்டு வருகின்றனர். இந்திய அணியை பொருத்தவரையில், தொடக்க ஆட்டக்காரராக யஷஸ்வி ஜெய்ஸ்வால் அணிக்கு பலம் சேர்க்கிறார். இதுவரை வெறும் 14 டெஸ்ட் போட்டிகளில் விளையாடியுள்ள அவர், 3 சதங்கள் மற்றும் 8 அரைசதங்கள் எடுத்துள்ளார். அவரது சராசரி 56-க்கும் அதிகமாக உள்ளது.

இதையும் படிக்க: உங்களது எதிர்காலம் தெரிய வேண்டுமா? சஞ்சய் மஞ்ச்ரேக்கரை பாருங்கள்; கிண்டலடித்த முகமது ஷமி!

விராட் கோலியின் அறிவுரை

பார்டர் - கவாஸ்கர் தொடருக்காக தயாராகி வரும் யஷஸ்வி ஜெய்ஸ்வால், அவரது டெஸ்ட் கிரிக்கெட் பயணத்தை தொடங்கியபோது, விராட் கோலி கொடுத்த அறிவுரைகளை பகிர்ந்துள்ளார்.

இது தொடர்பாக பிசிசிஐ-யிடம் அவர் பேசியதாவது: மூத்த வீரர்களுடன் கிரிக்கெட் விளையாடத் தொடங்கியபோது, விராட் கோலியிடம் அவர் எவ்வாறு கிரிக்கெட் பயணத்தை வெற்றிகரமாக எடுத்துச் செல்கிறார் என்பது குறித்து பேசினேன். அனைத்து வடிவிலான கிரிக்கெட் போட்டிகளிலும் நீண்ட காலத்துக்கு விளையாடடுவதற்கு, நான் எனது தினசரி பழக்கங்களில் மிகுந்த ஒழுக்கத்துடன் இருக்க வேண்டியிருக்கிறது. அதனை தொடர்ந்து செயல்படுத்த வேண்டும் என விராட் கோலி கூறினார்.

இதையும் படிக்க: ஐபிஎல் ஏலம் பெர்த் டெஸ்ட்டை பாதிக்காது..! கம்மின்ஸ் பேட்டி!

எனது பழக்கங்களில் மாற்றத்தைக் கொண்டுவர விராட் கோலி மிகுந்த ஊக்கமளித்தார். தொடர்ச்சியாக சிறப்பாக விளையாடுவேன் என எப்போதும் நம்புவேன். பயிற்சிக்கு செல்லும்போது, என்னிடம் எப்போதும் திட்டங்கள் இருக்கும். எனது உணவுப் பழக்கங்களில் மிகுந்த கவனத்துடன் இருப்பேன் என்றார்.