நடப்பு ஐபிஎல் சீசனில் முதல் வெற்றிக்குப் போராடி வரும் மும்பை இந்தியன்ஸ் அணி இன்று (சனிக்கிழமை) ராஜஸ்தான் ராயல்ஸை எதிர்கொள்கிறது.

ஐபிஎல்-இல் இன்று இரண்டு ஆட்டங்கள் நடைபெறுகின்றன. முதல் ஆட்டத்தில் குஜராத் டைட்டன்ஸ், ராயல் சேலஞ்சர்ஸ் பெங்களூரு அணிகள் விளையாடுகின்றன. இரண்டாவது ஆட்டத்தில் ராஜஸ்தான் ராயல்ஸ், மும்பை இந்தியன்ஸ் அணிகள் விளையாடுகின்றன.

இதையும் படிக்க | ஐபிஎல் போட்டியில் முதல் வாய்ப்பை வீணடித்த தமிழக வீரர் பாபா இந்திரஜித்

இதனிடையே, மும்பை கேப்டன் ரோஹித் சர்மா இன்று தனது 36-வது வயதில் அடியெடுத்து வைக்கிறார். எனவே, ராஜஸ்தானுக்கு எதிரான ஆட்டத்தில் வெற்றி பெற்று, நடப்பு ஐபிஎல் சீசனின் முதல் வெற்றியை மும்பை இந்தியன்ஸ் அணி ரோஹித் சர்மாவுக்கு பிறந்த நாள் பரிசாக அளிக்குமா என்ற எதிர்பார்ப்பு எழுந்துள்ளது.

நடப்பு சீசனில் இதுவரை 8 ஆட்டங்களில் விளையாடியுள்ள மும்பை இந்தியன்ஸ் அனைத்து ஆட்டங்களிலும் தோல்வியடைந்து புள்ளிகள் பட்டியலில் கடைசி இடத்தில் உள்ளது. ராஜஸ்தான் ராயல்ஸ் 8 ஆட்டங்களில் விளையாடி 6-இல் வெற்றி பெற்று புள்ளிகள் பட்டியலில் 2-ம் இடத்தில் உள்ளது.