ஐபிஎல்

ஆட்டத்தின் தேதிகள் மாற்றம் கொல்கத்தா நைட் ரைடா்ஸ் - ராஜஸ்தான் ராயல்ஸ் அணிகள் கொல்கத்தா நகரில் வரும் 17-ஆம் தேதி மோதவிருந்த ஆட்டம், 16-ஆம் தேதிக்கு மாற்றப்படுவதாகவும், குஜராத் டைட்டன்ஸ் - டெல்லி கேப்பிட்டல்ஸ் அணிகள் அகமதாபாத் நகரில் வரும் 16-ஆம் தேதி விளையாடவிருந்த ஆட்டம், 17-ஆம் தேதிக்கு மாற்றப்படுவதாகவும் பிசிசிஐ செவ்வாய்க்கிழமை அறிவித்தது.

இதில், 17-ஆம் தேதி ராம நவமி கொண்டாட்டப்படுவதால், அதே நாளில் நடைபெறும் கொல்கத்தா - ராஜஸ்தான் ஆட்டத்துக்கு பாதுகாப்பு வழங்குவதில் சிக்கல் இருப்பதாக கொல்கத்தா காவல்துறை தெரிவித்ததை அடுத்து, பெங்கால் கிரிக்கெட் சங்கம் ஏற்கெனவே வலியுறுத்தியதன் பேரில் அந்த ஆட்டத்தின் தேதி மாற்றப்பட்டுள்ளது. எனினும், குஜராத் - டெல்லி ஆட்டத்தின் தேதி மாற்றப்பட்டதற்கான காரணம் எதுவும் தெரிவிக்கப்படவில்லை.